[شــهـــد]

.. الســلام عليــكم ورحمــة الله وبـركــاته ..

قصيده لـحمود الشمري ..‘

.
.
.
––––•(-•جتني رسالتها •-)•––––
...

هي عبارات ..

" لا "

بل عبرات تسكب لمن هجر وقهر وقطع

---

على عتبات تذكر الموت تنقطع كل حضوض النفس وكبريائها

" ياخوي "

بيفرحك خبر موتي وانت ماشفتني من سنين ؟

قاطعتني عشان كلام الناس أو بسبب كلام الناس أو بسبب أرض ودنيا دنيئة

أو لأي سبب !!

ونسيت أيام طفولتنا مع بعض !

يوم كنت أنام في حضنك .. وتشوف سعادة دنياك في سعادتي

يوم كنت تقدمني في طلباتي على نفسك وعيالك .. وحتى زوجتك !

يوم كنا نتقاسم " حلاوة " أبوي اللي يجيبها لنا وهو جاي من الدوام !

نسيت يوم كنت تمرض واجلس جنبك افرك بيدي مدري وش اسوي عشانك ..

ويوم كنت أمرض وتسرع بي للمستشفى

تخاف علي من إحساسي بالألم ..

" واليوم أنت كل الألم "

...

آآآآآهـ يا " أخوي "

كيف قلبك وسع كل هالكون والناس اللي فيه من عدو وصديق

و" ضاق " على أختك وزوجها وعيالها !!

...

وش أقول لعيالي وهم يسألوني عنك !

أقول " خالكم " مايبيكم ولا يبي شوفكم !

كيف أقولها وانا حضنت عيالك في حجري وياكثر ما ناموا على يدي

واليوم " تطرد " عيالي من دنياك وهم يدورون عليك !

...

ياخوي

وش حال قلب أبوي وأمي وهم يشوفون تقاطعنا كذا !

وش حال قلبك لو شفت عيالك متقاطعين قدام عيونك

وأنت تضرب بيد على يد من قلة الحيلة وكلك أسف ..

...

ياخوي

عجز الكلام

.
.
.

جتني رسالة من صدى خافق الروح ..وقريتها بإحساس قلبـي وروحـي

قريتها وانهدّت قصـور وصـروح ..وأنا من أول عالياتـن صروحـي

تشكي تقول القلب يا حمود مجروح.. ما تدري اني غايراتـن جروحـي

تهلّ دمع وترفع الصـوت بالنـوح.. واللـي فقـد غاليـه لازم ينوحـي

ما كلّمتني يمكن الصـوت مبحـوح.. من النوح وإلا ما استطاعت تبوحي

جتني رسالتها بها دموع وجـروح ..وانهَد باسباب الرسالـة طموحـي

تقول ياحمود الزمن صار مفضـوح.. والشيب فيني لو تشوفـه يلوحـي

يا بو علي مالي بالأغراب مصلوح.. مادام قلب اللـي نحبـه شحوحـي

ودّي بشوفك دام الأعمار بفسـوح.. قبل الرحم يا خوي منـا يروحـي

زلّ الزمان اللي به أفراح ومـزوح ..أنخـاك تكفـى لا تظنّـه مزوحـي

وبعد الرسالة صار بالقلب ذابـوح.. طار المنام وصار فكـري يشوحـي

أختي رسالتها لها القلـب مفتـوح.. كلّي لها والقلب ينصـت ويوحـي

أقولها ودموع عينـي لهـا فـوح.. وسط المحاجر دمع عيني يفوحـي

أجاوب الورقا على عالـي الـدّوح.. وأنوح من فرقا الرفيق السموحـي

والله لو إني وسط الأطباق مذبـوح.. لأظهر كما خطو الحصان الجموحي

وأقول يا عين المها ما بها شروح .. لو تطلبين الروح تفـداك روحـي

الفلاش هنا

أخيراً : أهلكم أولى بوصلكم من غيرهم .

الشاعر: حمود الشمري
إنشاد :أبو يزيد
النشيد من شريط دواوين

.
.
.
دمتم بود

الموضوع الأصلي: ..،‘ جتني رساله ‘،.. | | الكاتب: شــهـــد | | المصدر: شبكة بني عبس

[العبسي الغامض]

يعطيك العافيه

[ابو محمد العريض]

مشكورة على النقل