[من عبس والفخر لي]

بين ايديكم قصيده مؤثره لأم تشكي حالها بعد أن وضعها ابنها(عافانا الله واياكم)في دار العجزه(دار النسيان) وأنا بصراحه اعجبتني وحبيت انقلها لكم وبصرااااااحه حزنت مره
اليكم القصيده


خليتني وسط المصحه وأنا أرجيك
هذا جزاء المعروف وهذا جزايا

وين انت ياحمدان امك تناديك
وراك ماتسمع شكاي وندايا

يامسندي قلبي على الدوم يطريك
ماغبت عن عيني وطيفك سمايا

هذي ثلاث سنين والعين تبكيك
ماشفت زولك زاير يا ضنايا

تذكر حياتي يوم اشيلك وأداريك
وألاعبك دايم وتمشي ورايا

ترقد على صوتي وحضني يدفيك
ماغيرك أحد(ن)ساكن في حشايا

واليا مرضت اسهر بقربك وأداريك
ماذوق طعم النوم صبح ومسايا

ياما عطيتك من حناني وبعطيك
تكبر وتكبر بالأمل يامنايا

لكن خساره بعتني اليوم وشفيك
وأخلصت للزوجه وانا لي شقايا

انا ادري انها قاسيه ماتخليك
قالت:عجوزك ما ابيها معايا

خليتني وسط المصحه وانا ارجيك
هذا جزاء المعروف وهذا جزايا

ياليتني خدامه بين اياديك
عشان اشوفك كل يوم برضايا

مشكور ياولدي وتشكر مساعيك
وادعي لك الله دايم بالهدايا

حمدان ياحمدان امك توصيك
اخاف ماتلحق تشوف الوصايا

أوصيت دكتور المصحه بيعطيك
رسالتي واحروفها من بكايا

وان مت لاتبخل علي بدعاويك
واطلب لي الغفران وهذا رجايا

وامطر تراب القبر بدموع عينيك
ماعاد ينفعك الندم والنعايا

**حسبي الله ونعم الوكيل

**

الموضوع الأصلي: قصيده مؤثره | | الكاتب: من عبس والفخر لي | | المصدر: شبكة بني عبس

[الاجهر]

لاحول ولا قوة لا بالله
اللهم اغفر والدينا يا ارحم الراحمين
مشكور علي نقل القصة والقصيدة
تحياتي اك

[من عبس والفخر لي]

شكراً جزيلاً على المرور اخي الاجهر

[ابوصالح]

لاحول ولا قوة لا بالله
اللهم اغفر والدينا يا ارحم الراحمين
مشكور علي نقل القصة والقصيدة
تحياتي لك

[من عبس والفخر لي]

مشكو ر ابو صالح على المرور

[من عبس والفخر لي]

مشكور على مرورك ابو صالح

[من عبس والفخر لي]

[حــزام]

بيض الله وجهك اخوي من عبس والفخر لي
واكيد تفتخر وكل الفخر بانك من عبس
والقصيده مؤثره عن حال الام الله يكون بعونها
ونسأل الله ان لانكون من العاقين بوالدينا
رحم الله اموات المسلمين
ولاخلا ولاعدم