[بنت النور]

اقبلت تختال ياقوتةٍ متبارقه = بالجمال وكل عينٍ سعت لعناقها
جت تجر الليل الأسود بشمس شارقة = في عيون ساقة النور مدري ساقها
حين بانت هزت الكون قوة خارقة= ارهبتني قلت رحماك يا خلاقها
غادةٍ متفوقه بلجمال وفارقه = سحر بابل في هدب عينها وأحداقها
في بهاها فاتنه للقلوب وسارقه = للعقول وبات نشوانها مافاقها
يعلم الله كلها بالمحاسن غارقه = زانها الله وأكتست جلها وأدقاقها
كل نظره صوبها يوم تقبل مارقه = شوق وأخشى ثقل الأرداف يكسر ساقها
غادةٍ لأبواب كل المشاعر طارقه = وأن تبسم ثغرها يا كثر عشاقها
من شقى فيها شقت به جحيمٍ حارقه = من كسب لحظة رضاها من اللي شاقها
الغزال أن خانه الريح يلمح دارقه=ولايحقق بالمها الانظر تفاقها
آه يامن وصفها نال وصف الفارقه = صرت أخاف فراقها قبل وقت فراقها
كل ما يرعد لها الفكر صارت بارقه = وكل مايمطرني الشوق صرت أشتاقها
كنها نسمه وروحي غصونً وارقه =تشتهي تحريك أزاهيرها وأوراقها

سعدان بن عابس الرشيدي

الموضوع الأصلي: ياقوتة متبارقة | | الكاتب: بنت النور | | المصدر: شبكة بني عبس

[ابو الياس]

الله يعطيك العافيه على النقل الرائع
والله يشفيله ويعطيه العافيه

[مرزوق العجوني]

صح لسااانه والله يشفيه من مرضه

ولا هنتي على نقلك الرائع