[ابو بيان]

تركي الالفين

عزو صفوفكم طاري عليـه طـاري=والمعاني سوات السوق بايع وشـاري
نص مثل السيوف ونص مثل الشباري=وابن آدم علـى قـده يفصـل ثيابـه
ياحبيب وش يذريك فاليوم المخيف =من يهبد الارض فوقه يطير غبارها
احمد الله واشكر ثم عوّد في عفيف =وانتبه قدام بدلتك اقـص ازرارهـا

حبيّب العازمي

عزو صفوفكم والعازمي مايهمـه=لو تقوم الصفوف اثنين مافار دمه
من يضحي بخاله من يضحي بعمه=وابن آدم على قده يفصـل ثيابـه
اتذرى في حزامي وفالسيف الرهيف =وانطح العـدوان وادقهـا فازوارهـا
لاتحرى بارق الصيف وانته فالخريف =حفرة الشيطان طاحت على حفارهـا

تركي الالفين

فالمواقيف جنب قول خال وبناخـي=لاتراخا ترانـا مانحـب التراخـي
انت تبغا جلاد الارض ولا الصباخي=وابن آدم على قـده يفصـل ثيابـه
يالطيف اثرك تحارب بسيفك يالطيف =يالله استر فوق الاجواد يـا ستارهـا
المطر هتّان والبـرق جايلـه رفيـف =فوق راسك من مزون.ن تهل امطارها

حبيّب العازمي

يوم اقوله تراني مادخل فيّ ذلة=خايف تزل واعوّد واجيلك بزله
زايد الجم جمُ وزايد الطين بله=وابن آدم على قده يفصل ثيابه
سيفي اللي ما انثلم من على عهد الشريف =يقطع ارقاب المجنـن ويلعـن عارهـا
يالله انـك لاتباعـد وليف.عـن وليـف =ناقة الاجـواد عيـت تـرام احوارهـا

تركي الالفين

تاتبيـن الدعـاوي كلهـا والحقايـق=ماتضيع الدورب ولاتضيع الطرايـق
روق يالروقي ياللي صرت منته برايق=وابن آدم علـى قـده يفصـل ثيابـه
فعلك اللي تذكره يمكن انه فالعطيف =كيف تبنيها وفوقك تهـد اجدارهـا
احمد الله راعي الكون ماني بالرديف =ياحبيّب خذ نصيحة ودوّر غارهـا

حبيّب العازمي

بينّه للعيون وحاضـره فالضمايـر=كان ودك تطير الارض منته بطاير
ذمة مسيلمه ترضابهـا ام الكبايـر=كان ودك تطير الارض منته بطاير
انت ياللي دحدرتبك ودقت فالرصيف =راكب.ن في يمنها وحذفتك يسارهـا
لو سلم راعي المعاميل من قهوة حنيف =كان ماحدن كاشفـن بنهـا وبهارهـا

تركي الالفين

والله انّـا نعـرف الصايبـه والنتيجـة=وكبري خريص ماهو مثل مخرج خديجة
والحرم ماش احد مانع مشاكل حجيجـه=وابـن آدم علـى قـده يفصـل ثيابـه
لو ابا اوصفك يالعازمي مالك وصيف =حنضلة والحنضلة ماتكـب امرارهـا
العلاقه خاربه بين باريـس وجنيـف =ياعسى سكانهـا ماتطـول اعمارهـا

حبيّب العازمي

اترك الشر خلفك واطلب الخير امامك=لاتجدد جروحك لاتكسّـر عظامـك
والرصاصه ليا طاحت تنقص حزامك=وابن آدم على قـده يفصـل ثيابـه
انت ياتركي تبا الرأي مار الرأي كيف =كيف طلّعت الجنـازة وانـا قبّارهـا
اليهودي لو يخون العهد يلقى حليـف =واليهوديـه طبيعـة تغـازل جارهـا

وتقبلو تحياتي اخوكم ابو بيان

الموضوع الأصلي: تركي الفين وحبيب العازمي | | الكاتب: ابو بيان | | المصدر: شبكة بني عبس

[هـدوء الـحـزن]

شكرا ابو بيان لهذا النقل

وهذه محاوره من الوزن الثقيل .. بين شعراء الجماهيريه الكبرى على الساحه

واذا تحاور تركي وحبيب ما على الجماهير الا حرارة التصفيق

(( عالسلامه ))

[ابو جاسم]

شكرا لنقلك ماقصرت

[ابو براك الرياض]

محاوره رائعه مشكور على نقلها