[نافع دميات الدريبي]

بسم الله الرحمن الرحيم



السلام عليكم ورحمة الله وبركاته

من اروالقصص التي قراتها


قصة عنتر وعبله

في الناحية الشرقية من مضارب بني عبس...حيث يحدها من الشرق برميل زبالة نسيت البلديه تشيله ..عبلة شايلة ترمس الموية تملاه من تنكر القبيلة...وعنتر واقف جنبها على سيكل مركب فيه مسجل...ومشغل اغنية رضى الله وراضيناك
عبلة: وخر لا تحنسني...انا زعلانة
عنتر: ليش زعلانة تأبريني عبولتي
عبلة: تحسبني ما شفتك امس يوم تغمز لك سميرة توفيق في عرس الامير زهير...وانت ضحكتك تشق وجهك... يا وجه السنديان
عنتر: والله عبولتي سميرة توفيق هذه ما قامت عندي ولا قعدت...عاد تصدقين انها حذفتلي الرقم وهي طالعة ..وما اخذته والله...علشان تعرفين غلاتك عندي يا مطر عمري
عبلة: هين..قص علي بكلمتين ..وانا ما اخد منك غير الكلام الحلو مثل كل مره
عنتر: يلا عاد فكي التكشيرة...خلينا نسولف قبل لا يجي العنز ابوكي
عبلة: يا ويلي تأخرت ولازم امشي
فجأة يطل مالك والد عبلة من بعيد...وعينيه تقدحان شرار...وعندما يقترب من عنتر يوجه اليه بوكس على كيف كيفك...ثم يصرخ قائلا وش قاعد تسوي مع عبلة يا الخسيس خلني اكسر وجهك واريح الناس من ها الشوفة كل يوم
عنتر: ليه كذا يا عمي...انت وش شارب من الظهر وانت مو مركز ايش بيصير لين يجي المسا ........
مالك: ما مداني اشرب...لكني سأشرب من دمك ...وانتي يا عبلة..انقلعي على البيت وانا اوريك شغلك.....تركض عبلة مسرعة الى البيت واذ بها تلقي بنت خالتها راجعة من الجامعة وسايقة الناقة الفراري وتاخذها معاها للبيت
عنتر: والله ان مديت يدك عليها لاروح امصع سلك الديجيتال اللي مادينه لكم...يا عمي انا احب عبلة..وطلبتها اكثر من مرة ودفعت مهرها حسبي الله عليك
مالك: معصي ازوجك ياها..وانت دافعلي فيها دايهاتسو من سنة حفرو البحر انا قلت عايز كامري 2007 ماتفهم افففففففففففففففف
عنتر: اطلب وتدلل يا عمي ومالك الا اللي يرضيك
مالك: انقلع من وجهي الحين واشوفك في الانترنت كوفي باللليل ..نتكلم بالموضوع
عنتر: على امرك عمي...بس طلبتك لا تضرب عبلة لا رجعت البيت
مالك: انثبر بس
ويرجع مالك الى البيت...ويطيح بعبلة تشويت وترفيس لين غدت من صيد امس...وقالها لو تموتين ما تتزوجين هالضب...يوم الخميس عرسك على عمارة
ويقعد مالك يفكر في طريقة تخلصه من عنتر..وعبلة المسكينة تبتسي خوف ابوها ينفذ تهديده ويزوجها عمارة الدلخ...وقامت بسرعة دقت على جوال عنتر..وعلمته بالسالفة
عنتر ارغى وأزبد..وقال: هين يا عمي..تلعبها علي وانا عنتر...والله ان سويتها لامردغنك واتمردسن في بطنك...وقام أنشد:
أتاني طيف عبلة في المنام
فقلت يا ربي هذا حرام
مالك يزوجها ابن اللئام
وانا اقعد اطير حمام
شافه اخوه شبيوب حزين والدمعة بعينه ..سأله وش فيك يا عنتر
عنتر: اخاف عمي ما يرضى يزوجني عبلة..والله اروح انتحر من سطح الفيصليه
شيبوب: وش هالكلام يا عنتر...عمي وين بيلقى عريس لعبلة احسن منك..شهادة ابتدائية ودبلوم تفحيط
عنتر: والله عمي هذا يبيعني ويشتريني بكابريس...وانا مشكلتي مطفر وفلوسي كلها ضاعت بالاسهم اللي شريتها
شبيوب: اذكر الله وانطر لين يجي الليل ونكلم عمي
في الليل..دخل عنتر الانترنت كوفي..وكان مالك في الشات يكلم عمارة..عريس عبلة الغني..ويتفق معاه يجي يوم الخميس يخطب عبلة....ولما شاف عنتر داخل الكوفي...سوا ديليت بسرعة للمسجات وطلع من الشات
عنتر: وش تسوي يا عمي
مالك: كنت اكلم خويي في امريكا...ابغاه يجددلي عضويتي بالشات..لان الكريديت كارد حقي منتهي تاريخه
عنتر: زين عمي وش اتفقنا عليه...متى تزوجني عبلة
مالك: وين مهرها
عنتر: وش تطلب يا عمي
مالك: ابغاك تروح اليابان...تجيبلي لاب توب جديد من هناك...مليت من الانترنت كوفي...زحمة وبالطقاق اخذلي دور علشان اسوي شات وانت راجع جيب لي معاك باسكن روبنز علبتين كبار وعايز الصوص من فوق يكون بنكهت دهن الماعز
عنتر: ما طلبت شي يا عمي...ابشر
ورجع عنتر خيمتهم وهو فرحان...اتصل على عبلة وبشرها...وقال لشيبوب..روح جهز الددسن خلنا نطير المدينة نحجز اول رحلة على اليابان....وذكرتي بالعسكريم علبتين لعمي ابو كرش ان شاء الله يجيه (طه القرشي)
وسافر عنتر مع شبيوب لليابان يشتري مهر عبلة...ويوم الخميس راح عمارة بيت مالك وخطب عبلة ..ووافق مالك ودخل عند عبلة يخبرها...لكن عبلة رفضت وبكت وترجت ابوها...فقام ضربها ضربا مبرحا لين وافقت..وتزوجت عمارة اللتخة وهي حزينة وكئيبة
وجاها عمارة يتغزل فيها ويقولها : يا عيني على العيون الساحرات..انتي ملاك والا...
عبلة: ضف وجهك يا الشين…لا بارك الله فيك..انت ما عند الا الهش وقل العش…
عمارة: خلينا نتونس شوي يا عبلة
عبلة: جعل ابليس يونسك طول حياتك..انت وعيونك اللي تقول طاقيهو سلك كهربا ..يا ويلك ان رجع عنتر
ورجع عنتر من السفر…وراح المضارب يدور عبلاه…لكنه انصدم بخبر زواجها… وسقط على ركبتيه وهو يبكي وينشد:
ولقد بكيتك والدموع نواهل
وكومة سعابيل تقطر من فمي
قسما لامردسن بطن عماره
ولو دفعت في عمره دمي
وقام عنتر يحتري عبلة في كل مكان ..لين شاف خادمتها تمشي من بعيد... ناداها
عنتر: ماريا هل عرفتيني..انا عنتر
ماريا: مازا تفأل هنا يا أنتر...اذا رآك يور اونكل سيمردغك ويفطسنك
عنتر: خليه يولي...وش اخبار عبلة
ماريا: في البيت تبتسي من الهزن اليك..
عنتر: قوليلها اني رح اجيها بالليل اشوفها... ورح اطب من فوق سور بيتهم
ماريا: أتشا انا لازم اروه فرن اجيب تشباتي ...وراحت الخادمة وعلمت عبلة بالموعد
وعندما اتى الليل..ذهب عنتر الى بيت عبلة..وطمر من فوق السور ووجد عبلة بانتظاره في الحديقة ...فامسك يدها والدموع في عينيه …راحت عبلة طلعت كلينكس من شنطتها ومسحت دموعه وقالت له: لا تبكي يا حبيب العمر… قال قسما لا تبيتن الليلة عند وجه الغراب عمارة… ثم خلع نعاله وامسكه بيده واقتحم المنزل على عمارة .…ودخل غرفته فوجده متلحفا… ويغني آآه يا ليل
دفه بيديه وقال له تغني آآآآآآآآآة يا ليل انت ماسمعت الشريط الجديد والله انك خايس قم جعلك الماحي الي يمحيك من الدنيا ...يا اخي حس على دمك لا تصير لتخ...طلق عبلة..ما تبيك...غصب هي يعني...رح وشف لك كشه زيك ترضى فيك
عماره: مابطلقها ابييييييييييت ماني مطلقها
ما كمل كلامه الا وعنتر يصكه بوكس على جبهته..وقاله قسم ان ما طلقتها لاخذ فيك اعدام على كرسي الكهربا ذاك الي فيه مخدات بالجنبات يقولون انة مريح وماتحس فية
خاف عمارة وطلقها …واطلقت ماريا زغروده قوية احتفالا بالطلاق…واخذ عنترة عبلة من يدها وذهب الى بيت عمه…سحبه من كشته ..واخذه الى اقرب مأذون حيث عقد قرانهما وعاشا في سبات ونبات..وخلفوا عنترات وعبلات

نافع دميات الدريبي
واهم شي اردودكم ولا تحرمونا منها

الموضوع الأصلي: ااااادخلوقصة عنتر وعبله من اروع القصص | | الكاتب: نافع دميات الدريبي | | المصدر: شبكة بني عبس

[صقربني عبس]

يسلموا اخوي
ومشكوووووووووووووووووووور

[ماجد الذيابي]

الله علـــــــــــيك اخوي نافع الدريبي وتسلم على القصة

[المجروووووووووح]

هههههههههههه
هاذ عنتر 2008
مشكووووووووووور يا نافع

[ابن سعدون]

هههههههههههه

هذاااااااا عنتر هذا الزمااااااااااان

مشكووووور اخوي نافع

ويعطيك العافيه

[النقيشى]

قصه جميله بس تنفع للتكارين ونتمنا منك المزيد والاروع
اخوك النقيشى

[نافع دميات الدريبي]

يابن عمي مشكوووور علي الرد وسلملي علي الهدندوه الي وراكم في الخووور

[نافع دميات الدريبي]

وينكم شباب