[أبونواف]

كان الشاعر يحب فتاة في دياره بالشمال ، وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي
وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، ويوم ابتسم الطفل ناداه المدرس وقال له من انت ولده ؟ قال له انا ولد فلان ، قال له :انت امك فلانه ؟ قال الطفل :ايه
سكت المدرس وكتب القصيدة ، ومن بكره عطاها الطفل وقاله عطها امك

غابـت ثمـان سنيـن حــل وتـرحـال =غـابــت ثـمــان كـلـهـا مدلـهـمـه
غـابــت سـنـيـن وشـهــور ولـيــال =مافـيـه قـطـر غـيـر وجــه يـمــه
وعقب الثمان الي تعبها برى الحال =جـاب الزمـان الكارثـة والمطمـه
جانـي ولدهـا مبتسـم بيـن الاطفـال =ومن بسمته ذكرت أنا بسمة أمه
ركضت له ودمعي علي الخد همـال =من كثرشوقي قمت بلحيل أظمـه
ساعة حظنته والطفل في يدي مـال =شميت ريحتها على أطراف كمه
واليوم بنت الناس فـي بيـت رجـال =حب على غير الشرف لي مذمـه
مجبور أعوّد واشتكي لكـل الأجيـال =بنفـس حزينـه تايـهـه مستهـمـه
برجـع غـريـب سكـنـه بــر ورمــال =يحيـا يمـوت ويندفـن مـا يهـمـه

الموضوع الأصلي: شميت ريحتها على أطراف كمه | | الكاتب: أبونواف | | المصدر: شبكة بني عبس

[سعد الشقل]

والله صدمة ههههههههههههههههه الله يكون بعونه

عسىى الله يرزقه بنت الحلال

بيض الله وجهكـ علىى القصيده الرائعه يا ابو نواف

[أبونواف]

سعد الشقل


مشكوررررررررر

[سعد بن عادي]

أبو نواف ومن قال للمدرس يسال الطالب عن اسم امه ماله حق

ههههههههههه\


قصيدة تصو ر حال الشاعر وتصف احداث مؤثره مرة عليه وحقيقه معبره .. وتحمل تجربه للاجيال القادمه

بيض الله وجهك أخوي ابو نواف مبدع دائما في نقلك ..

واعتبرني من متابعي طرحك المتجدد والمفيد


دمتم كما تحبون

[أبونواف]

بيض الله وجهك أخوي /سعد

[أبونواف]

مرورك منور ومشكورررررررررررر

[رويبح رباح العويمري]

مشكور ابونواااااااااااااف على القصيده

[أبونواف]

يعطيك العافيه على المتابعه الحلوه