[سعد الشقل]

بحر الخليج

لاوالله الا ضاقت الدنيا على وساع الصدور=اللي تضيق فجوج نجد ولاتضيق صدورها
جيت اتصيد مالقيت الصيد في وقت العبور=بالديره اللي كل يـوم نمرهـا ونزورهـا

ابو ذيل

وشلون تحكم والقضيه ما وصل فيها حضور=لاتصدر الحكم الخطا يبلشك بعض امورهـا
الصيد له صياد لاكن ما يصيـد الا النمـور=كانك تبا صيد الذيابـه فالجبـل والنمورهـا

بحر الخليج

الحكم لله والاوادم وقتهـا احـزان وسـرور=الله يبعد حزنها ويجيـب وقـت اسرورهـا
جيتك وانا صياد ماهر وانت ويش من الطيور=عساك مانت من الطيور المنحنـي دنقورهـا

ابو ذيل

امسك شعورك كان تقدر يابحر مسك الشعور=وام العيون العـور بشرهـا بنـادر عورهـا
عكف الدنا قير الجوار ح من فصايلها النسور=ولا ومـرك الله علـى المتحركـه ودورهـا

بحر الخليج

ماعاد هالايام نسمع بالبلـد دق النجـور=يومن بعض الناس مايسكت دنين نجورها
انا بحر وانت تعرف كل المخاطربالبحور=اغرق الضبان يابو ذيل وسط اجحورهـا

ابو ذيل

انته مسطل يابحر ولا من الو قت مخمور=نفسيتك يحتاج تعرضها علـى دكتورهـا
الضب ماله فالبحر عيشه ولا حولك نسور=الله قهرك وقفك علـى حـدود وطورهـا

بحر الخليج

ماني مسطل لكن انته مندفن وسط القبور=وشلون افهم لي جنازه مرمسه بقبورهـا
ماتدري ان البحر لامن هاج ماترده جسور=يظفي على كل البسيطه ويتعدى سورهـا

ابو ذيل

خليتها ماني وماني وانت خشمك خشـم كـور=لاتعلم الا الكوره اللـي مـا يلـن حنجورهـا
ان هجت ون ما هجت مالك لاحساب ولا نشور=تبقا الجزور اللي حذفها الله علـى جازورهـا

بحر الخليج

ياللي بغيت الاولـه عيـت ذلولـك لاتثـور=الناس راحت وانت راسك ناشب(ن)في كورها
وشلون ماتحسب حسابي ياعسى ماهي دبور=الشمس ماتقدر تغطي يابـو عكـره نورهـا

ابو ذيل

الاوله و الثانيه والثا لثه مسـك و عطـور=والرابعه والخا مسه شعـب بهـا بابورهـا
انا اشهد انك ياعميلـي بالمواقـف ماتبـور=لاكان نهج الشعر فتل ونقض حسب سطورها

الموضوع الأصلي: بحر الخليج × وزير الاعلام | | الكاتب: سعد الشقل | | المصدر: شبكة بني عبس

[بحــ الخليج ــر]

شكرا ياخوي سعد الشقل على التنسيق الرائع تقبل تحياتي

[ابا الخيل]

سعد الشقل بيض الله وجهك
على التنسيق الرايع ولا روع بصمتك
وسلمت اناملك وشكراً مليووووووووووووووووون
والزكا التحايا

[ناصر خنيفر]

مشكور على التنسيق ياسعد ومشكورين الشعار