[سعد الشقل]

عبدالباري عبدالعزيز

قـالـو المـقـدام سـيــلٍ مـاحــدٍ يـنـطـح مسـيـلـه=قلت أبا انطح سيل وادي فاطمه والرأس عالي
أنـت مقـدام القصيـره وأنــت مـقـدام الطويـلـه=وأنــت غـالـي مالقيـنـا مـثـل هالمـقـدام غـالـي

المقدام

لا تلف ولا تدور ومثلكـم واعتـزي لـه=رح ودور فاطمه ياغايتي يـاراس مالـي
ابك انا فارس ولي في المعركة وقفة جزيله=عارف اللي وسط قلبك لا تهور ياحلالـي

عبدالباري عبدالعزيز

وش علا الخيال لامنه على ظهر الكحيله=كيف أدورها وهـي تستـن ياغالـي قبالـي
أبـك ماشفنـاك بالميـدان يـاراع الأصيـلـه=ياحلال القوم ياقوسٍ مثـل قـوس الهلالـي

المقدام

ما قبالك غير سيفن ضربته ماهي هزيله=والاصايل عند اهلها وانت لاتقعد تلالي
ابك ميدانك خلاف النزل ما حنا نزيلـه=ياحلال القوم يابيضه لاتصدم لك جبالي

عبدالباري عبدالعزيز

أنت سيف الشاذليه فحت من حضو المليله=والآصايل عند أهلها مـار أنـا علمـي ابالـي
الـولـد هــذا عطانيـهـا عـلـى بـالــه ثقـيـلـه=وأدرج فيه الرشا من فوق مرواس المحالي

المقدام

شفت علمي صح ماتعرف يا غير اللي تكيله=ماتفرق بين شبريه وسيف وثـوب بالـي
لو ولد عبدالعزيز بطرقتـه يومـي شليلـه=ما حسبنا له حساب ولا برك للحمل شالـي

عبدالباري عبدالعزيز

ياظـلام الليـل نسـري فـيـك مانبـغـا دليـلـه=نعرف اللي ماله أول ماله مع النـاس تالـي
إحْمِدْالله تحت شجرة خير وغصونٍ ظليله=لاتحـسّـب للبـعـيـد ولاتـحـسّـب للـمـوالـي

المقدام

من ماثبت ماقفه حزت تواجه مع عميلـه=لا يدور للمخارج بعـد ماجـاب الهزالـي
دامك انته تحت شجرة وارفة وسط الخميله=احمد الله واستتر من قبل لا يصلاك صالي

الموضوع الأصلي: عبدالباري عبدالعزيز × المقدام | | الكاتب: سعد الشقل | | المصدر: شبكة بني عبس