[سعد الشقل]

السلام عليكم....

حبيت اكتب لكم المحاوره الرائعه التي جرت بالدمام

وكان حاضر هالمحاوره عبدالله عتقان ثنيان الرشيدي سالم المري عبدالرحمن الرشيدي

وانقل لكم جزء منها والجزء الاخر بعدين انشالله


عبدالرحمن الرشيدي

الا يا سالم المري تقدم والعلوم أطوال
أبا اسولف معك يوم جت حزة المجال
عسى الله يستر الانسان رب الكون من شكيال

على وضح النقى نمشي ولا ندري عن المكتوب

مرحبا بسمي ربعي والتحيه سلام ***والمعارك بوقت الضيق لرجالها
انت تمشي بهالدنيا وقدمك ظلام *** وكلمة الحق عاش اليوم من قالها

سالم المري الاعمى

تهرج والسوالف بتجيك الي تمناها
وهذي المواويل القديمه قد سمعناها
وبعض الناس تهرج ولا ادري وش معناها

على وضح النقى نمشي ولا ندري عن المكتوب

والبقى يالمرحب يا عزيز المقام ***يا ولد عمها مدري ولد خالها
ابن مره ماشي على احسن نظام *** ومن معه حيلةن لابد يحتالها

عبدالرحمن الرشيدي

انا بقرا عليك الليله القران بالترتيل
وابا اشب الحرايق فوق ذاك الفتيل
عساك الليله اتجمع وتسري لك في حصيل

على وضح النقى نمشي ولا ندري عن المكتوب

شد حيلك مدام الحر رفرف وحام *** وكل جوال مري ضاعت ارسالها
ودي اعطيك علم في صميم العظام ***لين ترجف عظام القوم من حالها

سالم المري الاعمى

اقرى صورتك واسم الله بولها وتاليها
وبسوي لي علومن منت قادر تسويها
وعصاك الي في يدك يالرشيدي بضربك فيها

على وضح النقى نمشي ولا ندري عن المكتوب

اسمع اسمع تراني معي صبيان يام *** لابتن تاج راسي تعرف افعالها
هات علمك ترى حمل الرجال الاعلام *** وكل ناس جزاها الله بفعالها

عبدالرحمن الرشيدي

عسى الله يعين الصاحي ذى الليله مع العميان
وذى المري انا بسفره الليله جهت الجيزان
عساه يعيش مع ذيك العرب في ساحه الوديان

على وضح النقى نمشي ولا ندري عن المكتوب

والله انه ما نسكن في ظلال الخيام *** عزوتي عبس معروفه من اجبالها
علمنا يا صاحبي تسمعه بالتمام *** وحيه الخرج سالم غصب يشتالها

سالم الاعمى المري

ترى حنا سلايل يام دايم نارنا حيه
لكن بالله خلو صفنا ميه على ميه
لا والله منت امسفرني يا هذا الرجل ابو الحيه

على وضح النقى نمشي ولا ندري عن المكتوب

من سكن خيمه الله صاحبي ما يلام*** وعزوتك كم واحد شرب فنجالها



وشكرا

الموضوع الأصلي: محاوره عبدالرحمن الرشيدي وسالم المري الاعمى | | الكاتب: سعد الشقل | | المصدر: شبكة بني عبس

[ابواثنين]

مشكور اخوي سعد الشقل
علي نقل المحاوره
بس ياليت توضح لنا عبدالرحمن من اي الرشايده
تقبل تحياتي

[سعد الشقل]

والله ما ادري اخوي بس شكله يقول انه خياري يمكن مو اكيد ؟؟ الي اعرفه انه مطوع له لحيه؟

شاكر لك المرور اخوي ابو اثنين

تقبل تحياتي

[عبدالعزيز الخياري]

أشكرك على النقل أخوي سعد



تقبل تحياتي

[سعد الشقل]

الله يعافيك اخوي عبدالعزيز

شاكر لك مرورك الكريم

تقبل تحياتي اخوؤك سعد الشقل

[فهدماجد]

ترى حنا سلايل يام دايم نارنا حيه
لكن بالله خلو صفنا ميه على ميه
هذا البيت لايعجبني وشلون يقول حنا نارنا حيه وبعدين يقول بالله خلو صفنا ميه على ميه!!!!! هو يقصد صف الملعبه ولكن مردود عليه البيت متناقض هذا الاعمى مع احترامي له اول مره اسمعه

[الجماهير]

سعد الشقل الله يعطيك العافيه مشاركاتك طيبه وافي الله يسلمك

[الاجهر]

مشكور الاخ / سعد
ماننحرم منك