[مرزوق العجوني]

العمـر رحلـه والليالـي مساييـر=والدرب موحـش والمزاهـب قليلـه
والرزق يابـن ادم بدنيـاك تقديـر=مكتـوب لـك لـو الاوادم تحيـلـه
والعمرعلمـه عنـد وال المقـاديـر=وكل علـى فعلـه يلاقـي حصيلـه
والمجتمع لحقه مـع الوقـت تغييـر=واصبح سمين الهرج يشبـه هزيلـه
اشوف لـي نـاس تبـي لتياسيـر=ونـاس تـدور لــردى وتعنيـلـه
وناس تبي وشلـون تجمـع دنانيـر=وناس تدور كيـف كسـب الجميلـه
وناس اللسنتهم اصبحت كالمناشيـر=ومجلاسهم وسط المجالـس فشيلـه
ان جيتهم تسمـع جميـل التعابيـر=وتقول هالمجلـس قليـل(ن) مثيلـه
انا اشهـد انـه مدهـل للخطاطيـر=وانا اشهد انـه رابـح مـن يجيلـه
ماتـدري انـه مايجيـه المساييـر=مجلـس خنـا ومجمع(ن)لرذيـلـه
والخوض في بعض السوالف مخاسير=والبعد عـن سـب الاوادم فضيلـه
وابوي وصاني وانا تـوي صغيـر=قـال الزمـن حـذراك لا تنحنيلـه
خلك جبل قـدام صلـف المعاصيـر=جبل جبـل ماخـاب مـن يلتجيلـه
والوضع مايحتاج لـه زود تصويـر=من طاب طاب ومن ردى عزتيلـه
فسرت ماعايشت ضمـن المشاويـر=(والهرج يكفـي عـن كثيـره قليلـه )

الموضوع الأصلي: العمر رحله.. | | الكاتب: مرزوق العجوني | | المصدر: شبكة بني عبس

[المعزب]

مرزوق العجوني

الله الله عليك وعلى هذه النادره صراحه

لولا ضيق الوقت لاجاريتك

تقبل تحياتي واعجابي

[مسندالعويمري]

مرزوق العجوني


صح السانك قصيده معبره عن واقعنا

وابوي وصاني وانـا تـوي صغيـر

قـال الزمـن حـذراك لا تنحنيـلـه
وتوصيه تاج على روسنا وشرف لنا ونقتدي بها

[مرزوق العجوني]

اقتباس من مشاركة المعزب مرزوق العجوني الله الله عليك وعلى هذه النادره صراحه لولا ضيق الوقت لاجاريتك تقبل تحياتي واعجابي

كل الشكر على مرورك العذب وتعطيرك لصفحتي ولي الشرف اذا جاريت قصيدتي

تقبل تقديري

[مرزوق العجوني]

اقتباس من مشاركة مسندالعويمري مرزوق العجوني صح السانك قصيده معبره عن واقعنا وابوي وصاني وانـا تـوي صغيـر قـال الزمـن حـذراك لا تنحنيـلـه وتوصيه تاج على روسنا وشرف لنا ونقتدي بها

صح بدنك يامسند ولا هنت وشرف لي مرورك طال عمرك تقبل تقديري واحترامي

[نديب العويمري]

الله لايهينك اخوي مرزوق

[سهل الجنيني]

صح لسااااانك على القصيده وبيض الله وجهك تقبل مرووووووووورى

[العريض]

وابوي وصاني وانـا تـوي صغيـر
قـال الزمـن حـذراك لا تنحنيـلـه
خلك جبل قـدام صلـف المعاصيـر
جبـل جبـل ماخـاب مـن يلتجيلـه
والوضع مايحتاج لـه زود تصويـر
من طاب طاب ومـن ردى عزتيلـه
فسرت ماعايشت ضمـن المشاويـر
(والهرج يكفي عـن كثيـره قليلـه )



صح لسانك مرزوق العجوني

لوحه جميله رائعه حروف ذهبيه تحكي عن حااااال اكثر المجتمعات حمانا الله وياكم منها

اشكرك على هذي اللوحه السرياليه البديعه تقبل مروري . تحياتي وتقديري لك