[فيصل الدلوم]

قصيده قديمه ولكني أجريت لها تعديلات كثيره
أتمنى أن تصـل لقلوبـكم

يامسكينه إذا حلمك تذلينـي قبـل تمشيـن=نصيحه إصحي إلنفسك وشوفيني يامسكينـه
إذا حبك يخليني أذل نفسي لأجـل ترضيـن=ترى ماني مثـل غيـري إذا حبـك تذلينـه
قبل كنت آتمنى تذكرينـي كـل ماتسهيـن=قبل كنت آتمنى كـل شـي عنـي تعرفينـه
قبل كنت آتمنى لاكتبـت بحظرتـك بيتيـن=أسمعّك وإن عجبك اللي كتبته صعب تنسينه
وقلت آغيب عن عينك عسى لاغبت تشتاقين=ودريت إن الفراق أرحم من اللي بي تسوينه
وضيعني غيابك ..لا..ولاأدري وصلت إلوين=إلين النـاس قالولـك حبيبـك لاتخلينـه
رجعتي..بس كنتي قاسيه من كثر ماتخطيـن=ووصلتي لمرحله حتـى كلامـك ماتثمنينـه
وسألتك ليه كل هذا؟؟أمانه جاوبي تكفيـن=وعرفت إن الجواب أسهل من اللي تبتقولينه
عطيتك كل مابيدي وكنتي للأسـف تقسيـن=وأخذتي أكثـر أمـن اللـي تبينـه وتمنينـه
وبعد منتي تمكنتـي وصرتـي بالهـوا تطغيـن=خذلتي قلب ماكنـك بيـوم أنتـي تهمينـه
وقلت أمشي على جوّك وألبي كـل ماتبغيـن=وأعيّشك (جو) لوأنك حلمتـي ماتعيشينـه
تحسبيني أنا ظلـك أبمشـي ويـن ماتمشيـن=لوأنك راميّه نفسك بوسـط النـار ترمينـه
وغبتي وكانت الغيبه تقص القلـب بالنصيـن=خساره من بعـد طيبـه بهالغيبـه تجازينـه
وأنا وياك عشرتنا تـرى ماكملـت سنتيـن=وقلبي أن صار بيدينك أقول أنـك تحكمينـه
خدعتيني وجبرتيني معاك ألعب على الحبليـن=ومر(ن) كنت أذوقه منك .. صدقيني إبتذوقينه
مدامك ماتهابينـي ودايـم عادتـك تنسيـن=بذكرك كل شي فينـي قبـل كنتـي تهابينـه
أنا منهو جرحتيني وجرحي ردلـك جرحيـن=أنا منهو خضعتيله وطحتـي عنـد رجلينـه
نسيتي من على شانه ولعيونـه تهـون العيـن=لوأنه يطلبك عمرك عشان إرضـاه تفدينـه
ترى ماهمني حبـك وأنـا لعيونـك الثنتيـن=بكون آخر حبيـب أنتـي توقعتـي تحبينـه
وأبد ماقول لك خوني؟ لأني واثـق إبتلقيـن!=ولوخنتي ولقيتي شخصن يريحـك تكلمينـه
بخليك أنتي تشكيله ويشكي منك ليه تشكين؟؟=بتلاقيني أنـا فبالـك بكـل مـره تحاكينـه
ومدامي دايم فبالك تلاقين الفرح مـن ويـن؟=مدام الدمعه في عينك وطيفـي مـن تنادينـه
أبحرق دمك وبأبعد وأبرجع وأنتـي إتشوفيـن=بصير (الصعب) ولايمكن صعب مثلي تلاقينـه
وراسك لأقلب الدنيا على راسك وماتسويـن=كلامن قاله لك شاعر صعب أنـك تلومينـه
تعودتي على (كسر الخواطر) وأدري إبتبكيـن=خلاص إبكي عشان أضحك على دمعن تهلينه
(نهاية قلب) كانت مؤلمه وأنتـي ولاتدريـن=كتبلك بيت للذكرى قبـل لأنتـي تذلينـه
على بالك إذا غبتي بذل نفسي عشان إتجيـن=وأنا من ذل (ك) فبعده وحقرانك (يامسكينه)

الموضوع الأصلي: يامسكينــه..!؟جديده بعد التعديـل | | الكاتب: فيصل الدلوم | | المصدر: شبكة بني عبس

[مبارك الشويلع]

صح لسانك يالدلوم

وبيض الله وجهك ولاهنت

قصيده جزله من راس جزل

ننتظر جديدك الجزل المفيد

وفقكم الله

[غادة بني رشيد]

صح السانك وتسلم

[الهنوف]

صح لسانك

قصيدة رائعة

الله يعطيك العافية ووفقك الله

دمت بخير
أختك الهنوف

[عبدالعزيزالعويمري]

صح لسااانك الشاعر المميز دائماً فيصل

سجل اعجاابي بك

تحيااااتي

[مسندالعويمري]

صح لسانك يالدلوم

وبيض الله وجهك ولاهنت

قصيده جزله من راس جزل

ننتظر جديدك الجزل المفيد

[فهد المويسه]

صح لسانك يا بو ناصر

قصيده رائعه كروعه تواجدك بيننا هنا

وتقبل سلامي

[مرزوق العجوني]

صح لسانك يافيصل ولا هنت على الرائعه وتقبل تقديري