[نهر الأحزان]

(قصر الحمرا) هذه قصيدة شاعر الاندلس التي القاها في الاندلس سابقا اسبانيا حاليا
في امسيه من اروع اماسيه والتي قال ملك اسبانيا
///// الشاعر العربي يعود للاندلس مرة اخرى /////

على الحمرا السلام وكل حيٍ يذكر امجاده=وانا تاريخي امجاد وبراهيني مجودها
قصيدة شعرنا الشعبي عروس بتاج وقلاده=سفيرة لهجةٍ طلت على الدنيا قصايدها
على البال أبن زيدون وغراميات ولاده=وسواليفٍ لأبن رشد أتذكرها وارددها
ياهالقصر العظيم اللي هل التصوير ترتاده=ياتحفه غير أهلها مستحيل أحدٍ يشيدها
ياتنهيد العجوز وضحكة المولود بامهاده=يانفحه عاطره لبنيّةٍ مازم ناهدها
ياجرحٍ ماعلى ذاك الزمان المقفي ضماده=لفيتك وانت باأرضٍ من غلاها ماأتباعدها
على الروضه وقفت ووقفتي ماهي على العاده=ومن باب الشريعه ساحة الريحان قاصدها
مشيت وجيت في بهو الأسود أتذكر الساده=والبّي صوت جنات العريف اللي مواعدها
الابراج .. الدهاليز .. الحصون .. السقف وعماده=حجى الجدران .. نقش أقواسها .. مرمر قلايدها
خرير الما على الحوض الله الله ماأعذب أنشاده=صور عشر الرجال تقرّب السجه وتبعدها
أجي ديوان أبو الحجاج مابه غير مقعاده=ولا حصلتلك من حاشيته إلا مساندها
مليت الكف بترابٍ شرد ذهني مع أسياده=وتلت دمعتي تنهيدةٍ كنت أتنهدها
أنا أدري بك حزينٍ يعربيٍ طوّل حداده=على خير أمّةٍ صفحاتها بيضٍ تساودها
وانا ماجيت سايح جيتك بمصحف وسجاده= من احجاز أكرم الاكرام واشرفها وسيّدها
أنا المتغرّب الي نادته قطعه من بلاده=صويبٍ شاقته حمر القصور وجاء يشاهدها
صوابه فيه من (غرناطه) وفيها من أجداده=رجالٍ كل واحد قوّم الدنيا وقعّدها
رجالٍ جغرفو شعث الفجوج وجات منقاده=رجالٍ غيّرو تاريخ الامصار وعقايدها
رجالٍ ماأشغلتهم عن مناويهم ولا غاده=ولا حتى قصورٍ ماسها يحضن زبرجدها
خذوها من هنا حتى ورى النهرين وزياده=وساقو عقربياتٍ صهيل الخيل راعدها
زمنهم كان صعب وكانت الارقاب سداده=والانفس تنجلب والحدب تلقى من يجرّدها
لك الله كانت الدنيا لهم ساحات ورياده=متى نتبع خطاياهم وكلمتنا نوحدّها
متى بس نتصافى والسحاب يدن رعاده=متى أحلام الربيع المبتعد نقدر نجسدها
متى ؟ مدري متى .. لكن مصير الحق نعتاده=مادام جباهنا مافارقت روضة مساجدها

شاعر العرب ناصـــر القحطاني

الموضوع الأصلي: ناصر القحطاني وملك أسبانيا | | الكاتب: نهر الأحزان | | المصدر: شبكة بني عبس

[*العبسي*]

صح الله ألسانك وألسان القحطاني

[عيد بن عبيد]

ياهالقصر العظيم اللـي هـل التصويـر ترتـاده=ياتحفه غيـر أهلهـا مستحيـل أحـدٍ يشيدهـا

نهر الاحزان
سلمت يمينك على نقل الدرر

وصح لسان شاعرها
شاعر الاندلس


تقبل تحيات
اخوك
عيد

[العماري]

تسلم يمينك على هالقصيدة اللي فيها اهموم امة


وصح لسان شاعر الخيال والابداع ناصر

خذوهـا مــن هـنـا حـتـى ورى النهـريـن وزيــاده
وسـاقــو عقـربـيـاتٍ صـهـيـل الـخـيـل راعــدهــا
زمنـهـم كــان صـعـب وكـانـت الارقــاب ســـداده
والانفـس تنجلـب والـحـدب تلـقـى مــن يجـرّدهـا
لــك الله كـانـت الدنـيـا لـهــم سـاحــات وريـــاده
مــتــى نـتـبــع خـطـايـاهـم وكلـمـتـنـا نـوحـدّهــا
مـتـى بــس نتصـافـى والسـحـاب يـــدن رعـــاده
مـتـى أحــلام الربـيـع المبتـعـد نـقــدر نجـسـدهـا
متـى ؟ مـدري متـى .. لكـن مصيـر الحـق نعتـاده
مــادام جبـاهـنـا مـافـارقـت روضـــة مسـاجـدهـا

[عبدالله عوجان]

أنا المتغرب اللي نادته قطعه من بلاده = صويبٍ شاقته حمر القصور وجاء يشاهدها

ناصر القحطاني ملك الشعر
شاعر الأمه العربيه

دائماً مبدع أيها النهر

[نهر الأحزان]

شكراً للجميع

[شاعر الجن]

التزم الصمت امام هذا الداهيه
صح السانه مليار

[نهر الأحزان]

العبسي شكرا شكرا