[بدوي حايل]

ياوطن حبيت أوادعك قدام الغروب
في بويتات من الشعر غر محجلات
وياوطن عندي شهادة منك ماني كذوب
يوم دبابات صدام جنك زاحفات
قلت دونك لشة الروح قرطاس بهبوب
أمتطوع عندي الموت أخير من الحياة
مع شريفين النوايا نظيفين القلوب
مع رجال المملكة مع وجيه مفلحات
وأن طغى الحوثي رجفناه لين أنه يتوب
دون حد البيت والدار ماش مجاملات
شاهد(ن) على الزمن ماعن الواقع هروب
من سطع ذكره ليالي قضى نحبه ومات
ياوطن شعبك جنودك أليا شبت شبوب
كلهم تحت أمر سلمان راع الطايلات
المليك اللي وهو طفل ساكن بالقلوب
من غلا اللي لمنا عقب ما كنا شتات
(عيد بن مربح)





https://www.youtube.com/watch?v=97KeeazLhcY

الموضوع الأصلي: جديد الشاعر عيد مربح بعنوان ياوطن | | الكاتب: بدوي حايل | | المصدر: شبكة بني عبس

[عبداللطيف الرشيدي]

صح لسان
الشاعر عيد بن مربح
ولا هنت اخوي نايف ع النقل
لا عدمناك

[سعد الرشيدي]

صح اللسان شاعر عبس

[سعد الرشيدي]

تم اضافة المونتاج والفيديو

[أبو عيسى]

صح لسان الشاعر ابو غريب

[غادة بني رشيد]

يعطيكم الف عافيه