ضــع اعــلانك هنا

رشيد

انــســان عـابـــر

عبدالله بن سعيد

معذور لو ذبلت اهدابي وعودي نحل= مادام الاقدار في وجهي تطش الجروح
في خبت الاحلام ناقه وبضلوعي فحل=يــهـدر ويزبـد ولـــه بين الــحـنايا جـمـوح
من يو صار الغموض يلف وجه المحل= وانا اعصر البال وابحث عن مجرد وضوح
مالي وماللزمان اللي سرى واضمحل= يـبـوح والا عـسى عـمـر الـزمـن ما يبوح
لو كان للنخل موقع في سواد الوحل=ما كان مـضرب مـثـال ابن الحـلال الطـمـوح
اذكر وانا فالطريق ومر موكب زحل=شفتك على العرش بالوجه الحزين الصبوح
في معصمك نقش حنى وبهدبك الكحل= وبعاتقك رعد غيم ونوض برق يلوح
وبخدك الصبح وبثغرك ملاذ النحل= والمسك والعود الازرق من عروقك تفوح
قلت ازرعك في رصيف الذاكره لو رحل=صوتك , وصار المكان انسان من دون روح
لكن صوتك تربى داخلي واستحل= نزوح فكري , وفكرت استميل النزوح
واحل عقدة ومن عقّد حباله يحل=قدام لا يعقده حبل الزمان الشحوح
جيت ابدوي على العشبه نزل وارتحل= والبدو من حيث ماينبت حياها تروح
انسان عابر شرب وجهك وعوده نحل=جا لك بلا جرح واقفى ممتلي بالجروح

الموضوع الأصلي: إنــســان عـابـــر | | الكاتب: رشيد | | المصدر: شبكة بني عبس

نواري

صح لسان عبدالله
ويسلموووووو رشيد على المجهود الحلو

رشيد

يسلم حالك ويسعد قلبك

بندر الذيابي

صح الله لسانك ولسان شاعرها

قصيده اتسمت بروح الشعر الجميل

صور وتعابير رائعه بالقصيده

تعددت اغراض الشعر بهذه الرائعه

لله درك نقل موفق وجميل

ننتظر جديدك