[راعي الماكسيما]

السلام عليكم ورحمة الله وبركاته

كيف حالكم ان شاء الله بخير ... ؟؟

ارجو ان تتقبلوا هذه المتواضعه مني لكم .... وهي بعنوان ( ناس ما احبها ) ...

على الله اللي بالخبر جابه ولا ما جابه = بديت به والخط اسريبه يسار ولا يمين
في داخل الراس شيء ٍ والله اني مغتابه = تبرق سنينه في يوم والأيام تسوي سنين
لامني جيت ابحكي الموضوع صعب يحكابه = دخيل الله على اللي يفرك السلف سلفين
يا بنت انا من اللي ماينحني له اعجابه = وما أتجرأ أطل سيرة المناظر بالعين
لا تقول ان اللي لسانه التمس بالدابه = سمن على ظهر خلق الله ينقسم له قسمين
واللي كل شوي رجله للتواليت مستجابه = لا تهيض القذله ترا الناس تشوفك بالشين
والنظره اللي تعاند شعورك كله منسابه = أذكر الله لامن هالشعور يطلع بالزين
يا مخلد تكفى وتكفى بالموقف تبيّن عابه = راجيك لاشك لا رجيناك ماتقصر اليدين
تسوق اثنين رجليني عالرجاوي وتمشابه = شيء من قوة الموقف تقلب العين بالغين
لامني بنشدك عن حل للضيقه درب ٍ أشقابه = ضيقتي كبيرة أكبر من سوات ابو وجهين
ناس ٍ ماحبها وانت بالامر اظن انك تدرابه = والتراب طينه زاد بلاه ليا زوّد بلل الطين
على الله الخاتمه الختام بغيره لاشك مابه = لا ختمت هالكم ٍ بيت من قصيده بأذنه تزين

وسلامتكم .....
مغليـكم ...
رااعي المااكسيـمااا ...

الموضوع الأصلي: نـــاس مــا أحــبــهـا .. !! | | الكاتب: راعي الماكسيما | | المصدر: شبكة بني عبس

[النجم]

صح اللسانك

[راعي الماكسيما]

صح بدانك اخوي لنجم هلابك لاهنت ع المرور الرائع


رأاااعي المـاكسيـماااا

[سالم الرشيدي]

وعليكم السلام ورحمة الله وبركاته



صح السانك وبيض الله وجهك يااارااعي الماكسيما

على القصيد الرااائعه ولاهنت

وليكون صارق مكسيمتي وانا مدري هههههههههههه

[بنت العبسي]

صح لسانك يا اخوي كلمات راائعة يسعد ايامك عليها

[أبو عيسى]

مافيك حيله فالك المكسيما وفالك المليون,,,

[راعي الماكسيما]

اقتباس من مشاركة سالم الرشيدي وعليكم السلام ورحمة الله وبركاته صح السانك وبيض الله وجهك يااارااعي الماكسيما على القصيد الرااائعه ولاهنت وليكون صارق مكسيمتي وانا مدري هههههههههههه

صح بدااانك ولا انت ....

هههههههههههههههههههه لا ماعليك المكاسيم واجد هالايام ... تسلم على المرور الطيب شرفتنا

[راعي الماكسيما]

اقتباس من مشاركة بنت العبسي صح لسانك يا اخوي كلمات راائعة يسعد ايامك عليها

صح بدانك اختي العبسيه وكلج ذوق شرفتني مرورج يالغاليه