[حامد الحنيفان]

سـلام يـاراع الشعـل ســلام يافـخـر الـرجـالاللي طلـع صيتـه بنجـد وفـي محلـه باالكويـت

من روس قوم سطر التاريـخ ماضيهـم وقـالقال انهم سـاس الفخـر والعـز لامنـك نصيـت

عجارمـه يـوم المعـارك يـوم صـولات القـتـالاحـزام ينشـد الظهـر فيهـم اليـا منـك غـزيـت

شيوخ قـوم فعلهـا راسـي كمـا تـرس الجبـالاليا هقيت الطيب فيهم وانت في ظنك هقيـت

تلقـى الـدلال اللـي تقدمـهـا مطانـيـخ العـيـالوالعود الازرق والكرم عاده لهم في كـل بيـت

ابطال عبس اللي لها تاريـخ مـن مـاض اليـالربعـن علـى الفزعـات تلقهـم اليـا منـك بليـت

كـلام مـوثـق ولا جبـنـاه مــن ســرد الخـيـالتاريخهـم يحكـي بنـص الكتـب لامـنـك قـريـت

و ردينـي الخنفـور منهـم مايبـي قـيـل وقــالخـيـال شـعـل باالمـزايـن دام بــالاول نـويــت

شـعـل الـيـا ناظـرتـهـن تـقــول لله الـكـمـالمـوارث الاجـداد ماجنـه بكلـمـة وش شـريـت

تمجيدكـم بالشعـر حـق مانجـيـب الا الـجـزالفي مدحكم ياللي على العليـا تكابـر ماانثنيـت

الشعـر فـي مـدح الكفـو يزيـن لاجالـه مجـالوالا الردي ياتي ويمشـي وانـت ماعنـه دريـت

والعـد مايـروى مـنـه لاصــار ماتـاجـد حـبـالتروح ضامـي وانـت للجمـه تشـوف ولارتويـت

والحبـل لامنـه تراخـى فــوق دايــرة المـحـالعلـى السوانـي ماتـوردك العـدود اليـا ضميـت

وحنـا دعانـا حمـود لزيارتـك يــواف الخـصـالونلبـي الدعـوة يـابـن خنـفـور لامـنـك دعـيـت

وتمت بذكر اللـي رقيـب فـوق خلقـه مايـزالالواحد الفرد الصمد في عظمته يحيي او يميت

الشاعر/ حامد سعود الحنيفان العويمري

الموضوع الأصلي: هذه القصيده اهداء/ للشيخ / رديني الخنفور العجرمي | | الكاتب: حامد الحنيفان | | المصدر: شبكة بني عبس

[أبو نوح]

صح لسانك

قصيدة جزلة

[البعيد الهادي]

صح السانك يابو سعود
وبيض الله وجهك على هذه القصيده الجزله
والشيخ رديني يستااهل

[خوي الذياب]

مشكور بالتوفيق