[المعزب]

الطيب عز وراعي الطيب محبوب=الله عطا راعيه قدر ومهابه
عند الرجال اهل المواجيب محسوب=واليا حداك الوقت طقيت بابه
حيو معايه في سماح بن قعبوب=الي بفعل الطيب يتعب ركابه
يحثها صدره على كل ماجوب=اما جهم مجهام والا سرابه
لو انها جرداء على قيض لاهوب=دواً خلا خالي تطارد سرابه
ياما رقا للمجد في راس مشذوب=ولو الوفا كوكب عطارد رقابه
فج الفضاء كله لبو ساير دروب=امنين ماهبهب خويه مشابه
اسمه على صفحة بني عبس مكتوب=في موقفاً مشهود كلاص درابه
فعله عن عيون العرب ماهو محجوب= تلقاه ياعساس برق السحابه
مافيه بالواحد من الالف عذروب=صدره لمن ينصاه كله رحابه
الله يبيحه من بلا كل دالوب= ويمد في عمره ويحفض جنابه
حيو معايه في سماح بن قعبوب= يامرحبا مليون يامرحبابه

الموضوع الأصلي: الطيب عز وراعي الطيب محبوب=الله عطا راعيه قدر ومهابه | | الكاتب: المعزب | | المصدر: شبكة بني عبس

[صوت الشمال]

يستاهل المدح سماح بن قعبوب
ومرحبا مليون
صح السانك يا المعزب وبيض الله وجهك

[المعزب]

اقتباس من مشاركة صوت الشمال يستاهل المدح سماح بن قعبوب ومرحبا مليون صح السانك يا المعزب وبيض الله وجهك

هلا وغلا بصوت الشمال

مرورك يشرفني لاهنت

[نواف بن مفضي]

الله الله
صح الله السانك يا بو صالح كفيت وفيت نعم المادح والممدوح
الشيخ حضر حفلكم ولا لا هذي شكلها جديده يا بو صالح
احسنت

[المعزب]

اقتباس من مشاركة نواف بن مفضي الله الله صح الله السانك يا بو صالح كفيت وفيت نعم المادح والممدوح الشيخ حضر حفلكم ولا لا هذي شكلها جديده يا بو صالح احسنت

ياهلا يابو سلطان اسفرت وانورت حي الله هالطله

اي والله حضر ابو ساير حفلنا وزاد النور نور الله يكتبله الاجر والثواب

ولا امداني اسوي الا هالبيات لوانها ماتقوم في مقامه لكن يعذرنا ابو ساير

[المشعل]

يستحق الممدوح ويستاهل المادح الطيب
صح السانك المعزب
ابيات جزله ورائعه
لاهنت

[حردان السحلي]

السلام عليكم ورحمة الله وبركاته

صح الساااا نك شااااا عر بدون مجااا مله

[صعصعة]

صـح لساانك
و اعتلا شانك