[جفاا]

جربت في الدنيا تجاريب شــــايب
وعرفت عدواني وميزت الأصحـاب

وعرفت طبع الناس مخطي وصــايب
ومانيب خبلٍ تخدعه ضحكة النـــاب

جنبت انا العالم وبعض القـــرايب
البعض منهم قربهـــم عقرب وداب

لو كان تعطيهم عيونك وهـــايب
ما ينفعونك جيدهم عند الأجنـــاب

ناس ٍيعادونك بليــــــــا سبايب
حط الحواجز دونهم وأغلق البـــاب

الا لمن جالك مع الوقت تـــايب
فاصفح وربك للمخاليق تـــواب

واللي تكبر عنك شد الركـــايب
جنب طريقه واحقره كنه ذبــاب

ومن لا يسد اللازمه في النـــوايب
وقت الرخا تقول ابو زيد وذيـــاب

بعض البشر قلبه من الحقد عـــايب
لا فيه طب وقلبه اسود من غــــراب

عنده نجاحك من كبار المصــــايب
واذا سمع مدحك من الغيظ ينصـــاب

لو لا الحيا سالت دموعه سكـــايب
مسكين من نار الحسد ماكل تـــراب

اللي يذمك كلما صرت غــــــايب
وان جيت قدم لك تراحيب واعجــاب

كبه ترى مثله من الناس خـــــايب
عادات ابو وجهين يكذب ويغتـــاب

لو تغرقه بالطيب ماهوب طــــايب
ولا تنخدع في مثل شرواه لو طـــــاب

طيبه وخيره للمرة والنســــــايب
ولا تنشده عن والدينــــه والاقراب

لاهوب رجال يفك النشـــــــايب
ولا هوب بنت تنقش الكف بخضــاب

وين الله يجيب المـــــطر والسحايب
والناس صارت بين حاسد وكـــذاب

كثيرهم تفرغـــــــوا للطــلايب
ومابينهم قامت عداوات واحــزاب

وتبقى الحقيقه يازمان العجـــايب
الروس روس ولو يغارون الاذنــاب

الموضوع الأصلي: ’’~ تبقى حقيقه يازمان العجايب .. الروس روس لو يغــارون الأذناب ~’’ | | الكاتب: جفاا | | المصدر: شبكة بني عبس

[مقبول القادم]

عنده نجاحك من كبار المصــــايب
واذا سمع مدحك من الغيظ ينصـــاب


لو لا الحيا سالت دموعه سكـــايب
مسكين من نار الحسد ماكل تـــراب


اللي يذمك كلما صرت غــــــايب
وان جيت قدم لك تراحيب واعجــاب

وين الله يجيب المـــــطر والسحايب
والناس صارت بين حاسد وكـــذاب >>>هنا البلوهـ
ومع دخول القنوات الفضائيه الى القرى جفت السماء قبل ارضها

رااائع جود لا هنتي

[سحايب]

الله الله الله لها مكانه بنفسي هالقصيده
يالبى الذوق صح السان شاعرها
وسلمت اناملك يالغلا

وهذي صوتيه

[عز و مهابه]

جنبت انا العالم وبعض القـــرايب
البعض منهم قربهـــم عقرب وداب



فعلآ هذا هو الواقع المرر

تسلم اناملك جود
وربي يعافيك على الذوق

[ولد حايل]

صح لسان قايلها
وشكرا على النقل

[جفاا]

اقتباس من مشاركة مقبول القادم عنده نجاحك من كبار المصــــايب واذا سمع مدحك من الغيظ ينصـــاب لو لا الحيا سالت دموعه سكـــايب مسكين من نار الحسد ماكل تـــراب اللي يذمك كلما صرت غــــــايب وان جيت قدم لك تراحيب واعجــاب وين الله يجيب المـــــطر والسحايب والناس صارت بين حاسد وكـــذاب >>>هنا البلوهـ ومع دخول القنوات الفضائيه الى القرى جفت السماء قبل ارضها رااائع جود لا هنتي

تسسسلم آخخخوي
لآعدممتكـ

[جفاا]

اقتباس من مشاركة سحايب الله الله الله لها مكانه بنفسي هالقصيده

اقتباس من مشاركة سحايب يالبى الذوق صح السان شاعرها وسلمت اناملك يالغلا وهذي صوتيه

آلله يسسلمج حبيبتي من ذووقج ي بعدي
لاعدمممتج ^^
ويسسلمو ع الاضآفه آلجمميله مآننحرم منج :)

[جفاا]

اقتباس من مشاركة عز و مهابه جنبت انا العالم وبعض القـــرايب البعض منهم قربهـــم عقرب وداب فعلآ هذا هو الواقع المرر تسلم اناملك جود وربي يعافيك على الذوق

يسسلمك ربي خخيو
لاعدمممتكـ :)