[مملوحة الوصـآيف]

,




مساءكم / صباحكم كل الخير يا رب ^_^



الشوق ماله عمر , يفنى وينعاد
.......له في الضلوع أن عاد وأن غاب رجفه


مع كل فرقا , له ورى الجفن ميلاد
.......وأن ماتت الفرقا لقى الشوق حتفه


جيت أقتل الفرقا من بلاد لــ بلاد
........ملّ الطريق يشيلني فوق كتفه


وأنا بعد مليت من كثر ما أرتاد
........هالشارع اللي كان لك فيه شرفه


تظمأ عيوني شوفك , وتشبع سهاد
........عيّا الزمن يقطع ظماها بــ رشفه



لاوجهك أسقاها , ولا ذاقت رقاد
......ماغير طيفك , طيفك اللي أعرفه


كنّه ظبي , وعيوني ظلال صيـاد
........يجفل قبل يرتد للجفن طرفه


مشكلته أنه كل ما أشتقت يزداد
.......حتى ملا جدران وقتي وسقفه


وأصبحت أشوفه فـ أول الغيم لاجاد
....وفـ أقصى الشفق لاطاحت الشمس خلفه


وفـي الأرض لانامت عقب صوت رعاد
.........وفي كل شباك ٍ صحت منه درفه


أتعبت طيفك لوم , واللوم مافاد
........ويوم الأمل في شوفتك مات نصفه


نويت أسافر عنك بجروح ٍ جداد
........وعمر ٍ من أوراق الزمن حان قطفه


نويت , لكن جابني الشوق منقاد
......وجابك حنينك , والزمن سال عطفه


شفتك تبـسّـم لي خجل مدري عناد
.......وفي نظرتك شوق ٍ من الظلم وصفه


حسيت كني طفل , وعيونك أعياد
........ياعيدي اللي له ورى الصدر رجفه


((سـمّ اللقا صدفة , وأسـمّيه ميعاد
.........أنا أنتظرتك , وأنت مريت صدفه))



ل فهد المساعد ,!



دمتم بود ^_^





/

الموضوع الأصلي: ((سـمّ اللقا صدفة , وأسـمّيه ميعاد أنا أنتظرتك , وأنت مريت صدفه)) | | الكاتب: مملوحة الوصـآيف | | المصدر: شبكة بني عبس

[ابرار]

نويت أسافر عنك بجروح ٍ جداد
........وعمر ٍ من أوراق الزمن حان قطفه


نويت , لكن جابني الشوق منقاد
......وجابك حنينك , والزمن سال عطفه

راقت لي
مشكوره

[سند الداموك]

روعه كثير

يعطيك العافيه مملوحه

[سحايب]

صح الســــــــــان شاعرها
وسلمت يمناك على مانقلتي..

[مملوحة الوصـآيف]

اقتباس من مشاركة ابرار نويت أسافر عنك بجروح ٍ جداد ........وعمر ٍ من أوراق الزمن حان قطفه نويت , لكن جابني الشوق منقاد ......وجابك حنينك , والزمن سال عطفه راقت لي مشكوره

,





و أنا راق لي وجودج ^_^





/

[مملوحة الوصـآيف]

اقتباس من مشاركة سند الداموك روعه كثير يعطيك العافيه مملوحه

,




والأروع تواجدك ^_^

الله يعافيكْ




/

[مملوحة الوصـآيف]

اقتباس من مشاركة سحايب صح الســــــــــان شاعرها وسلمت يمناك على مانقلتي..

،




صح بدن راعيها

والله يسلمج من كل شر ^_^




/

[غيمة مطر]

انتقآُء مميزٌ يٍ جميلهَِ..