[عبدالرحمن الحميدي]

انتي نسيتي قلبي اللي خذيتيه=مدري هو يسلي أو إنك سليتي
رحتي بقلبي ماطرى لِك ترديه=تعبت!! أنقّل جثتي ماعفيتي؟؟
لو شفت زولٍ مايعٍ في تخطّيه=والله مايلفت لي نظر ماحييتي
ولو الغرض منِك مضاجع وترفيه=والله ماقول إنك بحقي خطيتي
لكنِك إنتي عشقٍ اغليه واغليه=وأنسج من خيوطه تفاصيل بيتي
وإن طال بعدِك واتعبنّي لياليه=لا نمت زوريني وابا اقول جيتي
واحتج فيها لا خذ الحب طاريه=واوسع اللي في خفاه إرتميتي
صدر ٍ بقايا الروح في بعض باليه=وتطعنّي ضلوعه ليا من طريتي
ردّي علي القلب ابا اشوف تاليه=كانِك عن علوم الغرام انتهيتي
لا تعلقيني بالأمل والمشاريه=ترى العمر مره واظنك نسيتي

الموضوع الأصلي: ردّي علي القلب | | الكاتب: عبدالرحمن الحميدي | | المصدر: شبكة بني عبس

[ولد حايل]

لكنِك إنتي عشقٍ اغليـه واغليـه
وأنسج من خيوطه تفاصيل بيتـي


الله عليك يا عبدالرحمن
دايم مبدع
وعوايدك ما تجيب الا الجزل
اعجبني البيت هذا
ماهو قصور بالابيات الباقيه
تقبل مروري

[أمـ الشوق ـير]

الله عليك شاعر جزل ومتمكن
صح لسانك مدداً بلا عدد

لاتحرمنا من جديدك المميز

[عبدالرحمن الحميدي]

ولد حايل

هلا بك وماعليك زوود وشرفتني وعطرت الصفحه
بطلتك الغاليه الله لا يحرمني منك ومن طلتك

[الموج الازرق]

صح السانك ملايين

[العـويمـري]

صح لسانك ياعبدالرحمن وبيض الله وجهك

قصيدة راااااااائعة

[بروفسور الشعر]

صح السانك قصيده جزله من شاعر جزل

[الوعد]

صح اللسانك