[شاعر الصعاليك]

واشيب عيني من علوم الوراعين = الرابضه والتافهه والسقيمه
جوني يحثون الركايب مع البين = وأطيبهم اللي جاهل ٍ بالقضيمه
لا مذهب ٍ طيب ولا هم مصلين = من يوم طبوا في مكان الجريمه
وأنا ليا مني صدفت المجانين = يطري على قلبي علوم ٍ قديمه
وأفتح سجلات الغلا والدواووين = وأذكر زمان ٍ فيه لين وحشيمه
يا وجود حالي يالرجال المسمين = اللي لهم في مجلس الطيب قيمه
راحوا وخلوني بليا مضامين = وأحترت باللي شايل اشداد ريمه
أقول له دربك ايمين ٍ على الزين = ويقول لي كل الشوارع سليمه

الموضوع الأصلي: يا وجود حالي يالرجال المسمين | | الكاتب: شاعر الصعاليك | | المصدر: شبكة بني عبس

[ابن اخزيم]

صح لسانك واعتلى شانك دائم مبدع ومميز
ابيات جميله جداا جداا

[شاعر الصعاليك]

صحت ابدانك يابن خزيم
وشاكر لك مرورك الطيب

[بركه الداموكي]

صح لسانك واعتلى شانك ابيات طيبه من شاعراً طيب

[محمد بن صبح]

أبيات رائعه



صح لسان يالصعلوك

[شاعر الصعاليك]

اقتباس من مشاركة بركه الداموكي صح لسانك واعتلى شانك ابيات طيبه من شاعراً طيب

صحت ابدانك اخوي بركه
والله يرفع قدرك ولا يهينك

[شاعر الصعاليك]

اقتباس من مشاركة محمد بن صبح أبيات رائعه صح لسان يالصعلوك

صحت ابدانك يا ابن صبح واسعدني مرورك

[أخـو جـزعـة]

دايم وانت مسبب لي صدمه هههههه

صح السانك فعلا ليس لك مثيل