[منصور بن صبح]

تتيه المشاعر في بحورً حباها التيه=حفيظ الخلايق عالمً كل ما كاني
حدتني بعد طول المغيبة على شاطية=سهوم تميت ولاش سهمً تعداني
يا ليتك يا من ترمي جريح الهوى تخطيه=أنا منك وقتن فات قانع بما جاني
أو أنك تعلمني قبل من يدك ترميه=يا كود أتشهد للبري وعلن علاني
يا عزي لمن مثلي لحق حاضرة ماضيه=وطارده حبً ذاق منه العنى لواني
عسى الله يجازي من بلج لي وأنا ناسيه=بعد مابلج لي عافت النوم العياني
على مقتبل عمري توذيت من طاريه=وتناسيت همه لين بالدرب لا قاني

خذاني من الفرحة وما قلت كيف وليه=وسلمني الوحشة وقفا وخلاني
وأنا دارين أنه دارين عن جناني فيه=وأنا من جناني فيه لاموني أقراني
يقولون كيف العشق من صوبه يغويه=مذله على الرجال عيبه ونقصاني
ما يدرون عن حسنن خياله هنا راعيه=تمكن بقلبن ما تغذى بشرياني
تغذى على صورة خيالً بقي غاذيه=خياله تباطيته قبل لا يتباطاني
أنا مثل طيرً ذلل بروحه لداعيه=يلاعبه بالملواح والطير شفقاني

الموضوع الأصلي: أنا مثل طيرُ ذلل بروحه لداعيه *** يلاعبه بالملواح والطير شفقاني | | الكاتب: منصور بن صبح | | المصدر: شبكة بني عبس

[آهــذريــبــك]

على مقتبل عمري توذيت مـن طاريـه

وتناسيت همه ليـن بالـدرب لا قانـي

خذاني من الفرحة وما قلت كيف وليـه

وسلمنـي الوحشـة وقفـا وخـلانـي

أبداع صح لسان شاعرها
قصيدة في غاية الروعة منصور بن صبح !

[سفرمسندردين]

صح لسانك محمدبن صبح
على القصيده الرائعه

[عبدالهادي بن صبح]

منصور بن صبح أذا حضر هذا الأسم حضر الأبداع والشعر الراقي

قصيده من أروع ماقرأت

صح لسانك

تقبل مروري

[سحايب]

صح السانك عدد ومدد
ابداااااااااع

[(فارس الرشيدي)]

أبداع صح لسانك

[منصور بن صبح]

اقتباس من مشاركة آهــذريــبــك على مقتبل عمري توذيت مـن طاريـه وتناسيت همه ليـن بالـدرب لا قانـي خذاني من الفرحة وما قلت كيف وليـه وسلمنـي الوحشـة وقفـا وخـلانـي أبداع صح لسان شاعرها قصيدة في غاية الروعة منصور بن صبح !

أهذريبك صح بدنك

تشرفت بمرورك بارك الله فيك

[ملح وقبله]

صـــــــح الـــــســــانك