[أبونواف]

اسهر ومسهرني هوى لين العـود =طفلٍ حرم عيني لذيذ المنامـــا
شكيت منه الحمر والبيض والسود=وشقرٍ على الخصر المعزل تواما
وعكشٍ تشرع بالحجاجين وورود=محاجرا تفضح رهيف اللثامــا
وعنقٍ مرق عن لبة الترف ونهود =وخصرٍ هضيمٍ كن فيه الهيامــا
وردايفٍ منها فضا الثوب مشدود=ليا مشى تطوي السلب للحزامـا
لا واه أنـــا مذبوح عمدٍ وجحود =يــذاه ما بيني وبينك مدامــــا
وحياة من في رادتـــه هبت النود =انك جرحت اللي حنينه اريــامـا
ما حق يالطف الحشـا حب وصدود =وعلام تسكت مـــا ترد السلامـا
كانك تبي تبرير للحب وشهـــود =انظـــر بعينك في دموع تهامــا
وحـــالٍ نحل من حبكم كنه ، العود= ونفسٍ تصوم بغيــر نية اصيامــا
لا يا حبيبي ويش حدك على الكــود=ما انت بعمى وشلون عنى تعامـــا
ان كان منك العطف واللطف مفقـود =ذبح المحب بغير ذنبٍ حرامــــا
يا هاجري ما في اشرف الوصل منقود=عدني كما عود الولي لليتامـــــا
بزيـــارة تطلق من الحزن ممهود=في قلبي اللي لك بوسطه مقامـــا
عليه تشهر سيف الألحــاظ مجرود =وإليا تعطف لك علامك تسامــــا
وش ذنبه إلا انه بالأتعاس موعـود =في حبك اللي مـــا قضاله مرامه
وبيت القصيد اللي من القلب مشيود =حرام ما يزهاه غيرك وسامــــا
وشعر الغزل تزهـاه يا باشة الخود=يــــا فاضحٍ بالنور بدر التماما
لك الغلا يــا جوهرة نجد يا نجود=حوريةٍ من حبهــا ما يلامــــا

لشاعر/ عبد الرحمن العطاوي

الموضوع الأصلي: اسهر | | الكاتب: أبونواف | | المصدر: شبكة بني عبس

[ابوعالي الرشيدي]

صح السان شاعرها

والله لايهينك على نقلك الممييز

والمتواضع

[عابد الرشيدي]

صح السان شاعرها

والله يعطيك العافية على نقلها رابو نواف

[أبونواف]

اقتباس من مشاركة عابد الرشيدي صح السان شاعرها والله يعطيك العافية على نقلها رابو نواف

اخوي عابد يعطيك العافيه على الرد الجميل

[أبونواف]

اقتباس من مشاركة ابوعالي الرشيدي صح السان شاعرها والله لايهينك على نقلك الممييز والمتواضع

مرورك اسعدني

الله لايهينك

[ثامر النجار]

صح السان شاعرها

والله يعطيك العافية على نقلها رابو نواف

وشكرااااااااا

[سعد الفلاح]

صح السان شاعرها

والله لايهينك على نقلك الممييز

والمتواضع

[رويبح رباح العويمري]

صح لسان شاعرها وشكرا لك على النقل