[اميرة الرشيدي]

كتبت قصيده عن ابوى يوم بنت اذكرت ابوها بكل حب بس مو موضوعى هذا انا ابي اتعلم اشلون اوزن البيت هذه القصيده وقولو لي وين مكسور عادى نتقبل النفد وانتم حكام
شكرا لكل من يدخل حتى لو ما قال رايه


لفا طيفك وسكن عيني يا اغلى انسان
بأمر الغلا دمع عيني لك فزوعي
شفت ان البشر وكل من عليها فان
لكن غبيتك يا بوي هدت كل ضلوعي
انت سراج القلب وعطري للوجدان
شوقن وكل الغلا لك فيا مزروعي
ذكرتنى وحدة بالغالي طالب الغفران
ربي يا كريم ترحمه وتسكن لوعي
بخصال ابوها تعد يا لولو يا مرجان
له اطق التحية و اوقد شموعي
من خوف شايب على عياله من الحرمان
يا عل تعافيه ولا عينج عليه تروعي
ما كتبت الا مشاعر ضامها الكتمان
فجرتى الحشا والصمت من طبوعي

الموضوع الأصلي: ممكن رايكم | | الكاتب: اميرة الرشيدي | | المصدر: شبكة بني عبس

[مصفي المرح]

هلا اختي القصيد جميلة موضوعا وقافيه ... لكن بدون ووزن اتمنى تكتبينها على لحن موحد

[اميرة الرشيدي]

شنو يصلح لها من لحن موحد

[مصفي المرح]

اقتباس من مشاركة اميرة الرشيدي شنو يصلح لها من لحن موحد

شفت ان البشر وكل من عليها فان .... هذا شطر من قصيدنك بدون ووزن وبدون للحن





شفت البشر كل من فيها وعليها فان .... هذا شطر من قصيدتك بعد الوزن .. واله لحن غنيه وعدلي القصيد عليه

[رادوي العبسي]

الله يرحم اموات المسلمين

كلام منثور ومقفى لايصلح ان يقال عنه قصيده

[اميرة الرشيدي]

تسلم كفيت وما قصرت
تصبح على خير
راح اجرب الحن الاغنيه واحاول احطها على الوزن

[اميرة الرشيدي]

اخوى انا ما قلت شاعرة بس بغيت اقولك القصيد بمعناه وما يحمل من مشاعر وحتى لو كان كلام وياما شفنا ناس تكتب على الوزن وقصيد بس ما له معنى ولا تطوى قوافيه اي مشاعر

[رشيدي الشمال]

يمكن يصلح على وزن البيت هذا

لفا طيفك وبعيوني سكن يااعز واغلى انسان ==== وانا بامر الغلى والقلب واعيوني لك افزوعي
اشوف ان البشر تفنا وكل اللي عليها فان ==== ولكن غيبتك يابوي والله هدت اضلوعي

[/poem]

تقدرين تكملين القصيدة كذا تضيفين بعض الكلمات مع ان القصيده اغلب كلماتها حلوة ومعبره