[الـريـم]

عرش الغلا .. قدره على قدر راعيٌه
و الا العروش الخاويات .. أمخلوفه!!


شيءٍ يجي منٌه و بأحسان .. ما أبيٌه
و الله لو نفسي لملكه .. شغوفه


الله يصد العبد عنٌه .. و يعطيٌه
عقلٍ يشوف .. و نفس بيضاء .. عطوفه


أنشد .. و أنا اجاوبك .. يا ( لا ) يا ( أيٌه )
يا زينها بين الثنين .. أمحفوفه


مافيٌه داعي تكشف العلم .. و أخفيٌه
مثلي .. يطابق هرج قلبه حروفه


وش حيلتك؟ لا صار لك شخص تغليٌه
تطيح طيحاته .. و تاقف وقوفه


تشتاق لعلومه .. و تضما حكاويٌه
و أن مر طيفه .. رحت تذبح خروفه


و وش حيلتك ؟ لا صار بايعك شاريٌه
قلبك .. و شاري منزله مع ضيوفه


شفني مغير أجيب ذكره و أوديٌه
و لرضاه أسوي كل ليله .. ( بروفه )


لين أنتهى .. و القوس في كف باريٌه
راحت طيوفه .. تشتبك مع طيوفه


و انا الين اموت .. باقي مواليٌه
لو تكثر أحزابه .. و تكثر أحلوفه


خله يروح .. و ينجرح صدر مغليٌه
مسموح .. و لحون الوداع أمعزوفه


مانيب قايل في غيابه ترى فيٌه
بأقول حكمه .. من زماااان معروفه


(أحدٍ كفيف .. و عين قلبه تقديٌه
و أحدٍ يشوف .. و لا يقديٌه شوفه)

الموضوع الأصلي: شيءٍ يجي منٌه و بأحسان .. ما أبيٌه .. و الله لو نفسي لملكه .. شغوفه | | الكاتب: الـريـم | | المصدر: شبكة بني عبس

[آلنجم]

صح اللسان شاعرها

[المشعل]

راائعه ...
صح السان شاعرها ..
وصح بوحك واختيارك ..
لاهنت ..

[سحايب]

صح الســــان الشاعر
وسلمت يمناك على حسن اختيارك
لاهنتي ...