[ذيبان الرشيدي]

بعد
السلام ..
أبداء بـِ نظم الكلامِ ..
وإمضائه ورصفه .. وإعرابه وصرفه ..
.
.
نص متواضع ..
يلتمس عفو ذائقتكُم ..
وأن يرتقي لـِ بيلسانِ طرائقكُم ..
.
.

مدري .. جحود الوقت والإ شرابيـك = والإ ليـالٍ .. روحتبـي وشآحـت ’
وإلا همومٍ .. وردتنـي علـى ذيـك= وإلا وروداً .. جاذبتنـي وفـاحـت ’
أمشي وأسولف .. بين ذولا وذوليـك =وأضحك وأنا .. كلي جروحٍ تناحت ’
وأذكر لقانـا .. وألتفتلـك وأناديـك =وأراجع أوقاتٍ .. لنا معك رآحـت ’
يومك .. من الروعه تـدور غطاويـك= و اتلملم القذله .. وعينـك تساحـت ’
حتى ادلهمت .. وأعثرتبك خطاويـك =واستنهضت .. نفسك علينا وطاحت ’
تبغى الستر .. والحظ عيا يغطيك = عن عين عاشق .. بحرتبك وتناحت ’
واليا غشتنـي .. وأحتفتبـي قوافيـك =لميتلك .. هجسٍ بصدري تلاحـت ’
هجسٍ .. تثنت وانسجتلي حكاويـك =ياما صفتلك .. وانهجتلك وصاحت ’
ماهمها .. ليل الشقا والدرابيك = كم روبعت .. في ديرتك واستراحت ’
سطرتها .. يومٍ لفتني طواريك = حتى .. استبانت للملأ واستضاحت ’
واليوم .. قفـت وابعدتنـي لياليـك = وجيوش ذكرك .. صادفتني ولاحت ’
واشتقتلك .. شوقٍ يغربل معاليك = شوقٍ .. له الورقا من الضيق ناحت ’

.
لعل ..
لـ الإستعجالِ مِنها نَصيب ..
فـ عُذراً ..
أشبه بـِ قولِ نُذراً ..!
.
.
جل
التحيه والتقدير
ذ
ي
ب
ا
ن

الموضوع الأصلي: ’ أذكر لقانا والتفتلك وأناديك ... وأراجع أوقاتٍ لنا معك راحت’ | | الكاتب: ذيبان الرشيدي | | المصدر: شبكة بني عبس

[أمـــير بـكلمتي]

وأذكر لقانا .. وألتفتلـك وأناديـك=وأراجع أوقاتٍ .. لنا معك رآحـت ’ يومك .. من الروعه تدور غطاويـك=و اتلملم القذله .. وعينك تناحـت ’

ذيبان وخالقكـ أكثر شخص أتذوق بطعم شعره
صح لسانكـ

[ذيبان الرشيدي]

اقتباس من مشاركة أمـــير بـكلمتي ذيبان وخالقكـ أكثر شخص أتذوق بطعم شعره صح لسانكـ

تأمرت بـ أخلاقك ..
وسجيتك الطيبه .. قبل أن تكون أميراً بترتيلك وحروفك ..
مرور باذخ وفاخر ..
يعتريني منه الخجل والتأمل ..

دمت
بخيراً وعافيه

[.فيصل الذيابي.]

ذيبان اسم شد انتباهي بشعره الجزل
رغم قل تواجدي الا انني متابع بل ومعجب بشعرك
لله درك اسم على مسمي

[طفشت]

صح لسانك مبدع

[ذيبان الرشيدي]

اقتباس من مشاركة .فيصل الذيابي. ذيبان اسم شد انتباهي بشعره الجزل رغم قل تواجدي الا انني متابع بل ومعجب بشعرك لله درك اسم على مسمي

أخي الكريم
أشكر لك ثنائك ..
يعلم الله أن ..
الكلمات تتخاذل إستحياءٍ
من
هذه الكلمات المتثابره والجميله
فـ شُكراً لك
أيها العذب النبيل

[ذيبان الرشيدي]

لــــ الرفــــع ..!

[هلوسه]

.
.
.
قصيدهـ جميله ..
من شاعر جزل ..
استمتعت بقراتكـ ..
ذيبان ..صح السانكـ ..