[الـريـم]

تِدْرِي مِتَى بتعْرِفْ قَدْرِي وْ تِفْقِدْنِي ؟

بُكْرَهْـ لاَ هَمْلُوكْ النَّاسْ تَذْكِرْنِي

وْ تِقُولْ عِزَاهْـ عِينِي مِنْ يِدَارِيهَا ؟

مَدَامْ غِيرِي عَلَى قَلْبِكْ { مِشَارِكْنِي }

وِشْ هُو لَهْ أَعَلِّقْ الآمَالْ وْ أَبْنِيهَا ؟

يَكْفِينِي إِنِّكْ رِحَلْتْ وْ مَنْتَ { عَايِفْنِي }

هَذَا عِزَا النَّفْسْ مِنْ كِثْرَة بَلاَوِيهَا

أَهْدِيتِكْ دُمُوعْ مِنْ طَعْنِتِكْ تَحْرِقْنِي

وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

وْ أَهْدِيتِنِي جَرْحْ مُوجِعْنِي وْ عَاجِبْنِي

لأَنَّ الهَدَايَا عَلَى مِقْدَارْ مِهْدِيهَا

صَحِيحْ { حِنَّا انْتِهِينَا } بَسْ صَدِّقْنِي

وَاللّه إِنِّكْ تِبْقَى { هُوَى رُوحِي } وْ غَالِيهَ

مَفْضُوحْ رَاعِي الهِيَامْ وْ نَظْرِتَه تِغَنِّي

مَلاَمْحَه وَاضْحَة فِي وَجْه رَاعِيهَا

لِكُلِّ دَاء ٍدَوَاءْ لُو هُو مِتْعِبِنِّي

إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي

دِنْيَايْ لاَ مِنْ نِسِيتِكْ وِشْ تَالِيهَا ؟ ‎

مَقْدَرْ أَفَكِّرْ بْغِيرِكْ وْ إِنْتَ عَارِفْنِي

عَشَانْ حَاجَة بْقَلْبِي مَقْدَرْ أَخْفِيهَا ‎

أَخَافْ لاَ حَبِّنِي غِيرِكْ وْ عَاشَرْنِي

يِشُوفْ صُورِتِكْ فِي عِينِي وْ يُوحِيهَا ‎

نِشَدْتْ عَنِّكْ وْ سِمَعْتْ إِللِّي {يِفَرِّحْنِي}

وْ يِرْتَاحْ صَدْرِي مِنْ هُمُومِِ يِحَاتِيهَا

تَبِي تَعْرِفْ وِشْ عَلَى الفَرْقَا مْصَبِّرْنِي

إِنِّكْ بْخِيرْ وْ حَيَاتِكْ مِهتني فِيهَا

الموضوع الأصلي: تَبِي تَعْرِفْ وِشْ عَلَى الفَرْقَا مْصَبِّرْنِي | | الكاتب: الـريـم | | المصدر: شبكة بني عبس

[أحاسيس]

قصيده رائعه ذوق ياذوق

[الـريـم]

يسلم لي هالمرور
ماافقده ان شاء الله

[كحيلة]

روووووووعة..الا وربي في قمة الروووعة..
يسلم لي ذوووقك يالغلا..مميز
لاخلا ولاعدم يابعدي..

[احمد منيف]

تِدْرِي مِتَى بتعْرِفْ قَدْرِي وْ تِفْقِدْنِي ؟ بُكْرَهْـ لاَ هَمْلُوكْ النَّاسْ تَذْكِرْنِي

هذا الكلام :)

صح الله لسـان شاعرها ومشكوره ع النقل اختي ..،،

[صويلح الصالح]

يعطيك العافيه ومشكووووووووووره على النقل خيتو

[غـــلاءنـــجـد]

ربي يعطيك العافيه روووعه يالغلاء

[سعد محمد]

كلمات رائعه

صح لسان الشاعر,,,