[عبدالله المظهور]

اخواني الأعزاء اعضاء وزوار هذا المنتدى الشامخ الجميل

السلام عليكم ورحمة الله وبركاته :


اضع هنا بين ايديكم احدى قصائدتي
والتي ارجو ان تحوز ولو على شيء قليل من اعجابكم .

ياغايبه عني بلا عذر واسباب=بالله قولي وش سبايب غيابك ؟
وش بك كذا غبتي من الباب للباب ؟=فجأه ضوى ليل الفراق وسرابك
وش بك كذا ياسر حبي والاعجاب=غطى على شمسك تراكم ضبابك
ابي جوابك مابقى عندي اعصاب=سؤال حيرني ويبغى جوابك
ياام الغرام الي على البعد جذاب=رغم الفراق اعشقك واعشق ترابك
جيتي غريبه من متاهات الاغراب=وفيني سكنتي والخفوق اعتنابك
وحطيت لك في داخلي ستر وحجاب=استرك واحافظ على كل مابك
جيتي وانا الي استقبلك حب وعتاب=ورحتي ولا غيري بكاك ودرى بك
انا شربتك سحر في داخلي ذاب=سحرن بجسمي بالعروق امتشابك
وانا قريتك حب في صفحة كتاب=اكتاب من تأليف قولة "هلا بك"
وفجأه كذا من غير توديع الاصحاب=رحتي بلا موعد لرحلة ذهابك
رحتي وكل الي بقى ظرف وخطاب=عليه جملة "رحت والى القاء بك"
وكذا فتحتي للشقاء عدة ابواب=من يوم ماعلنتي قرار انسحابك
ومنها دريت ان الهوى درب غلاب=ويحق لي يادرب لو قلت اهابك
وبعدين اضفتك في سجلات الاتعاب=في قسم "ابصبر واتحمل عذابك"
وكنت اعتقد انّا نبي نصبح احباب=لكن عجاج الوقت عني غدابك
رحتي ولا والله حسبتي لي حساب=مالي حسابن عند حضرة جنابك
انا بتقديرك مثل سهم ينساب=وانتي بتقديري مثل سهم سابك

وسلامتـــــكم جميـــــــعاً

الموضوع الأصلي: ينساب ، وسابك | | الكاتب: عبدالله المظهور | | المصدر: شبكة بني عبس

[سعد الشقل]

صح اللسانكـ يا عبدالله بدايه جميله وقصيده ولا اروع

من اروع القصائد التي قرئتها ..//

الى الامام وصح اللسانكـ مليون ننتظر جديدكـ..//

[العاصفة]

صح لسانك على هذا الرائعه

وشكرن

[سعد الرشيدي]

صح اللسانك اخوي عبدالله

قصيده رائعه وجميلة وننتظر المزيد

اخوك سعد

[عبدالرحمن شعلان]

صح لسانك الشاعر عبدالله ومشكور

[الكاسر2008]

الشاعر عبدالله


صح السانك قصيده جميليه ورائعه

وننتظر أبداعك .... الى الأمام

الله يوفقك.....


تقبل مروري

[ناصر خنيفر]

صح السانك قصيده جزله

[مرزوق العجوني]

صح لسانك اخوي عبدالله ولا هنت وتقبل مروري