[صادق الوعد]

لا

عاد تنشد ما بقى عندي علوم= كل العلوم المبطيات تخبرها
ماجيتك اشكي ميلة الوقت مزحوم= نفسي ليا ضاق المدى ما اخسرها
ياصاحبي كنت امس كنت امس محشوم= واليوم هج بجيتك واختصرها
خلك بعيد ابعد من العام واليوم= وادنى من احلام النجوم وقمرها
بعض الكلام اللي تحليه مسموم= وما كل كف صافحتك تغدرها
كم طيب ساقته الاقدار لرخوم= وياكثر ناس تنخدع في صورها
والحر مايشره على خنعة البوم= الله رفع شانه ووطا قدرها
لو جيتني كنك على الوجه ملطوم= بعض الخطايا عذرها ما غفرها
عندي تساوت هرجة العذر واللوم= هذيك ما ابغاها وذيك احتقرها
زله وعدت ماحدتني عن النوم= مرت سلام وبعد الله كدرها
انا اعتبرها كبوة حصان ويقوم= وانت اعتبرها زي ما تعتبرها

الموضوع الأصلي: قصيده .. لشاعر مساعد الرشيدي ,, كبوة حصان | | الكاتب: صادق الوعد | | المصدر: شبكة بني عبس

[بندر الذيابي]

الله الله الله الله

صح لساااااااانك ولسااااان الشاعر مساعد


الف شكر لك علي النقل اخوي


تحياتي

بندر

[عبدالعزيز الخياري]

الحر مايشره على خنعة البوم=الله رفع شانه ووطا قدرها

الله أكبر على الشاعر مساعد الرشيدي(الزعيم) صح الله لسانك

شاعر غني التعريف

وصح لساااانك صادق الوعد
وسلمت على النقل

وحسن الاختيار

[بدر الحشية]

صح لسان الشاعر ولاهنت اخوي صادق الوعد على النقل

[صادق الوعد]

اقتباس من مشاركة بندر الذيابي الله الله الله الله صح لساااااااانك ولسااااان الشاعر مساعد الف شكر لك علي النقل اخوي تحياتي بندر

الاخ بندر اشكرك على المرور

[صادق الوعد]

اقتباس من مشاركة عبدالعزيز الخياري الحر مايشره على خنعة البوم=الله رفع شانه ووطا قدرها الله أكبر على الشاعر مساعد الرشيدي(الزعيم) صح الله لسانك شاعر غني التعريف وصح لساااانك صادق الوعد وسلمت على النقل وحسن الاختيار

الاخ .. عبدالعزيز اشكرك على المرور

[صادق الوعد]

الاخ ,,, بدر اشكرك على المرور

[الاجهر]

قصيدة رائعة من روائع شارعنا المبدع والمتألق دئما

مساعد ربيع

ماننحرم منك