[سـعود المضيـبري]

((حكمة سعود))
كل جرحــــ(ن) مع الايــــام يبراء
الا جـــرح الحــــب ماظنــــي يطـــــيب
وكل شـــيء ترا بالــــمال يشراء
بس ماحد(ن) قدر يشــــري حبيـــــب
وكل ليله ترى ماهـــي بقمــــراء
كل شيء تـــرى حـــظ ونصـــــيب
************

((شخص عزيز.......))
صحيح غالي لاكن اغلى من العين ** يبقى وتفقد عيني اغلى نظرها
الصاحب الي فوق كل الموازين ** تاج الرجوله والشجاعه فخرها
يعيــن هلي دمعتك لاتكفين ** القبر والله دمعتك ماحقرها
لازم ازور القبر حين بعد حين **قبر ليا زرته همومي جبرها
قلبي فقد ناس على الروح غالين ** ناس كثير ونصفها ماعتبرها
لاكن غيابه زود الجرح جرحين ** واللون الاسود في حياتي غمرها
***************

((رساله لشخص معين ))

ياابو فهد مالك عليه مشاريه
ولايستر الموضوع عذر(ن) تقوله
درب الرداء ياصاحبي مالنا فيه
والعز لوهو صعب لزم نطوله
الصاحب الغالي على الروح نبديه
ونقدره ونشيل عنه حموله
خوينا لــــباعه الوقت نشريه
لوكان في دوله وحنا بدوله
الليل الاسود مانهابه ونسريه
يوم(ن) بعض الناس هابه بطوله
تاريخنا ماهو بفلم(ن) نسويه
تاريخنا (مجد(ن)) بصوله وجوله
يشهد لنا التاريخ حاظر وماضيه
حنا سنام المجد تاج الرجوله
************

((سود اليالي))
اقبل ظلام الليل والشمس غابت
واقبل معه همي وحزني ودمعي
ياليل كل سهومك اليوم صابت
وجهتها للقلب والسهم طمعي
ياطول ليلك فيه احاسيس شابت
حاولات اضويها ولافاد شمعي
كل الرجاوي فيك يانور خابت
حتى نجومك خافته دون لمعي
سود الليالي من عنا الوقت جابت
صورته في عيني وصوته بسمعي
اضويتها باحلام وامال ذابت
ولانفعني كثر طرحي وجمعي
ياليل روح نفسي اليوم طابت
كثر السهر حكم عليه بقمعي


سعود

الموضوع الأصلي: مقتطفات من شعري | | الكاتب: سـعود المضيـبري | | المصدر: شبكة بني عبس

[الفجواني]

والله ياسعود مدري شقولك بس الوكاد اذا هالقصايد لك اشهد انها قصايد وصح لسانك عليها ...وذا انت ناقلها لنا الله يعطيك اللعافيه ومشكوووور . تقبل مروري

[راسبه بالحب]

صح السانك .. ابيات رائعه ..


باأنتظار نزف قلمك ,,

[بندر الشويلع]

صح لسآن شآعرهآ وتسسسسسسسسسسلم ....يمين نآقلهآ
وختيآر.....موفق

[سـعود المضيـبري]

اشكركم على مروركم ,,,,,,,,,,,,,,,,,,,,,,

[نور ابومناهل]

استمتعت في هذه المقتطفات فعلا متنوعه وتشبع هواة القراءة للشعر جميل يامبدع تسلم ولايسلم ردئ العزايم