[مذكر الرشيدي]

قصيدة عيد الجرح

أمر غريبه متصل خير في شي!
تكفى طلبتك اختصر في كلامك
ماباقي الا من أثر حبك شوي
عل وعسى يمحي غيابك غرامك
عايش على خبرك والأوضاع هي هي
ماغير جرحن فيه بصمة ابهامك
جرحن عقب ماقلت لي وش تبي في!!!
من يوم ذاك اليوم تنزف اسهامك
من يوم ذاك اليوم لالك ولالي
من يوم ذاك وكل مابي لامك
من عقب ذاك اليوم مالك هنا في
من يوم خبري فيك تكرب حزامك
واليوم عيد الجرح واجرحي الني
اكبر وهو يكبر معي طاب عامك
عطيتني جرحن تطور مع الكي
عساه يرضي مستواك ومقامك
في غيبتك مات الغلا والغلا حي
فطرت لك قلبن له سنين صامك
واليوم راجعلي عقب رحلة الغي
اعلنت من حرب الفراق انهزامك
لو تتصل ماهي غريبه ولا شي
لاتتصل وفر عناك وسلامك

عيد غازي الرشيدي

الموضوع الأصلي: عيد الجرح | | الكاتب: مذكر الرشيدي | | المصدر: شبكة بني عبس

[فضي البراك]

5 stars

وبكل جداره ،،

[ناصر الرشيدي]

اصبت قلب الذائقه

مذكر

روعه

[النمر1012]

الله الله الله
صح اللسان شاعرها وتسلم يمين ناقلها
عطيتني جرحن تطور مع الكي
عساه يرضي مستواك ومقامك
في غيبتك مات الغلا والغلا حي
فطرت لك قلبن له سنين صامك

[وليد البراك]

صح السان شاعره وسلمت يمناك على النقل

[سحايب]

صح الســـان شاعرها
وسلمت يمناك على هالذائقه

[احمد منيف]

قمة الذائقه لو بنسسخ نسختها كلها جد تستاهل الخمس نجوم فـ نظري :)