[عايض الدمح]

السلام عليكم ورحمه الله وبركاته

اضع بين ايديكم هذة القصيدة وهي من الارشيف

قال الذي جاوب مع لحون وارقا = على لحنهن اعزفن المعاليق
اوتارهن اعروق بالقلب حرقا = و اطبولهن خافي الحنايا المغاليق
وموضوعهن شين على الكبد عرقا = من ما نشوفه صايرن بالمخاليق
شمال جنوباً وغرباً وشرقا = وجهات لو تقدر عليها البشر ضيق
لاكن بامره والبشر دوم صرقا = لاجيت ترضيها معك يابس الريق
ياهم ليش إن رحت روحتك مرقا = اتعبت قلبي كل يومن به تويق
تحدني تبغاني اقول فرقا = وهذي بعيده عنك علي ما تليق
لني من ابناء عبس وعبس ترقا = بالمرجله فوق الجبال الشواهيق
راحن على وضح النقى ما تدرقا = الوافيات لونهنه غرانيق
وعادن لنا بيض(ن) وسود(ن) وهرقا = ومن قدم الكبسه رضا بالمراقيق
وسويت دله ما هي بطعس برقا = في وادي(ن) تحت الجبال المدانيق
زودت فيها الهيل والبن يرقا = في دلة البغداد ما هي مصانيق
وأخذت فنجال(ن) له النفس ترقا = وبعد إستعاد الطاقه ركب إبريق
وزهمت مضمون القريحه وطرقا = من شرد الأفكار نبع الصناديق
لو كل شيء تكشفه عين زرقا = ما صار فرعون وجيشه مغاريق
ولا قيل يافرعون هامان ارقا = ولا لاقت الامثال عليك ياطويق
لاكن باب الصبر وتبين كرقا = ضرابة الامثال تهجيس بتفيق
الي تليق بمجلس(ن) فيه قرقا = أهل الاذان المصغيه لكل تفريق
الي تفاخر لكسبوا كسب درقا = مدري وش تسمى صدور المداليق

الشاعر / عايض نما الدمح

الموضوع الأصلي: قال الذي جاوب مع لحون وارقا | | الكاتب: عايض الدمح | | المصدر: شبكة بني عبس

[الاجهر]

صح السانك - من اجمل القصائد التى اطلعت عليها - لاهنت

[عبدالله معزي]

عايض الدمح
قصيده جميله
في غاية الروعة والجمال
صح لسانك ولاتحرمنا من جديدك