[هداج]

قال شالح أشعـاراً كثيرة بعد وفاة ابنه ذيب وأول مـا قال هذه القصيد'

يا ربعـنا ياللّي على الفـطّرَ الشّيب=عزالله إنه ضاع منكم وداعَـهْ
رحتوا على الطّوعات مثلِ العياسيب=وجيتُوا وخَلّيتوا لقلبي بضاعَـه
خــليتوا النّادِرِ بدارِ الاجَـــانيـب=وضاقت بي الآفاق عقب اتساعهْ
تكدرون لي صافيات الـمشاريب=وبالعون شفتَ الذل عقب الشجاعةْ
يـا ذيب انا بوصيك لا تأكل الذيب=كم ليلةٍ عشاك عقب المـجاعـــه
كم ليلةٍ عشاك حـرش العـراقيب=وكم شيخِ قُومٍ كزته لك ذراعـهْ
كفّه بعـدوانه شنيـع المـضاريب=ويسقي عدوه بالوغي سم ساعـة
ويضحَك ليا صكت عليه المغاليب=ويلكد على جميع العدو باندفاعـهْ
وبيـتِـه لجيرانِه يشيّد على الطيب=وللضيف يبنى في طويل الرفـاعـهْ
جرحي عطيب ولابقى لي مقاضِيب=وافخت حبل الوصل عقب انقطاعهْ
كني بعد فقِدِه بِحـامي اللـواهيب=وكني غريب الدار ما لي جماعــهْ
من عقب ذيب الخيل عرج مهاليب=ياهل الرمك ما عاد فيهن طماعه
قالو تطيب وفلت وش لون ابا طيب=وطلبت من عند الكريم الشفاعَـهْ

الشاعر/

شالح بن هدلان الخنفري القحطاني

الموضوع الأصلي: يا ربعـنا ياللّي على الفـطّرَ الشّيب | | الكاتب: هداج | | المصدر: شبكة بني عبس

[سعد بن عادي]

الله مرثيه مؤلمه تحكي حاله الفراق .. ترجمة من شاعر اتقن حروف الابداع ., شاعر متمكن غني عن التعريف شالح القحطاني

بيض الله وجهك أخوي هداج على حسن الاختيار

وصح لسانك ولسان شاعرها

دمتم كما تحبون

[مسندالعويمري]

بيض الله وجهك أخوي هداج على حسن الاختيار

وصح لسانك ولسان شاعرها

[مبارك الشويلع]

صح لسانك ولسان شاعرها

احسنت الاختيار


ننتظر جديدك الجزل المفيد


وتقبل فاااااااااااائق احترامي وتقديري

[حادي الجبيل]

الأخ هداج نقل ممتع كيف لاوهي لشيخ شاعر فارس شعر وفارس خيل .

رحمه الله وأبقاك المولى .

[مسلم عربي]

بيض الله وجهك

[شاعر الجن]

صح لسان شالح بن هدلان الفارس المغوار
يقول شاعر قحطان ناصر القحطاني
ألى جت كن أبوها من سلايل خيل صقر قريش × والى أقفت كن( أبن شالح) بسوط الموت حاديها

وابن شالح هو ذيب بن شالح

[رويبح رباح العويمري]

الاخ هداج شكراً لك اخي الكريم