[الأجودي]

السلام عليكم ورحمة الله وبركاته
أخواني الكرام أبناء عمومتي أضع بين يديكم قصيدة قديمة لشاعر العوازم مشحن بن عيد العازمي ,يمدح بها شيخ المكارم الشيخ سرور بن سمران بن سمرة الذيابي الرشيدي ..
بديت بسم الله بدا قبل يبدن
المعتلي علينا ستــــاره
ياراكب الي بالسفايف يومن
صفقات مافيهن لحوحن ثبارة
ومن عندنا مع شقة الفجر يمشن
مسندات ماعطن بانحداره
من الهضاب اللي ورى (شعر) يزمن
في ديرة ٍ يبنى بها الرجم مارة
والعصر فينا عوص الانظى يفدن
وكل كرب حبل الحقب مع زواره
وبعد السرى شيب المحاقب يهجن
هجيج صيداً جافل مع قراره
صبح أربع مع خشم (الأبيض)(1) يميلن
(والجول) (2) مع مرقاه باين سماره
ديار بن سمرة عساهن يعمرن
عزال وضحا يتبعها أحواره
أركابهم صوب العداء مايتوانن
يشكن من لظ السرى والسبارة
ورباعهن من ضيفهم مايغوصن
رح للعشاء يااللي تدور الخطارة
حطاطة المنسف مع الكبش والبن
يجذبك مع سوق الهبايب كداره .
------------------
(1)الأبيض :أسم جبل في بلاد بني رشيد عبس
(2)الجول :مورد مياه غرب الجبل الأبيض .
------------------

الموضوع الأصلي: في ديرة ٍ يبنى بها الرجم مارة //شاعر العوازم يمدح شيخ المكارم // | | الكاتب: الأجودي | | المصدر: شبكة بني عبس

[شداد المظيبري]

صح لسانه عا القصيده الجزله

يستاهل ابن سمره

لاهنت عاى نقلك الرائع

[طلال محمد ناهس]

صح لسانه عا القصيده الجزله

يستاهل ابن سمره

لاهنت عاى نقلك الرائع

[نادر الذيابي]

صح الله لسانه وصراحه قصيده جميله ورائعه ولا توصف ويستاهل رحمه الله عليــــه

[ابو ريماس33]

مشكووور يالاجودي على النقل

والشيخ ابن سمره غني التعريف

[ذيب الزبون]

صح لسان الشاعر وسلمت يمناااك على النقل وابن سمرة يستااااهل

اخوي عوض العازمي

من الواضح انك ملم في تاريخ العوازم وتعرف مالايعرفه سواك

شكرا على هذا التميز
تحياتي وتقديري

[العبسي سبع]

مشكور أخوي على هذه المعلومات الرائعة والله يعطيك العافية

[راعي السفاري]

بيض الله وجهك أخوي على هذه النبذه الطيبه
والله يعطيك العافيه