[أحمد عبيد الهنيدي]

راسي ذبحني والسبب ما تقهويت=الله على كيف ٍ يطير اعماسي ما اشوف من كثر الضرم لو تواظيت= ومن الضرم كن الهبايب براسي حاولت اكمل سيرة الدرب وزريت=وما فالطريق الا عصير وبباسي ياليتني قبل اتحرك من البيت=اخذت من حب اليماني مقاسي وانا اخبر لمن عن القهوه ابطيت =تثر على نفسي وخمس الحواسي حتى ليا مني بغيت وتسويت=طبخه من البريه تعدل راسي عزالله اني ما نسيت او تناسيت= ما كنت عن كيف اهل الكيف ناسي كنت احسبني في طريقي ليا جيت= اول محطاته بزايد حماسي إليا طلبت الدله يقول حييت= وجيبها حسب الطلب عن اعماسي لكنْ عكس الهقوه اللي تهقويت=قابلت في كل المحطات يأسي ياليتني داري عن الغيب ياليت=((ما كان اسوي بالقصيد اقتباسي)) غنيت بيت ٍ لبن مربح يا هو بيت= ((نوب ٍ يهين النفس شيءٍ طفاسي)) عز الله اني يابن مربح ما سويت= وانا من اهل الكيف طبعي وساسي ما كان عن موقف حصلي تغنيت=ولا صار للهاجس صدى وحتباسي وعشان ما ادور على راعي البيت=والا محطة متعبين التكاسي توبة عليّ من لحيتي كان نوُيت=على السفر لخذ دلال وكراسي

الموضوع الأصلي: (نوبٍ يهين النفس شيءٍ طفاسي ) | | الكاتب: أحمد عبيد الهنيدي | | المصدر: شبكة بني عبس

[أثير الشوق]

شاعرنا احمد البويدي قصيده ولا اروع
والجمال يكمن بروح البداوه الاصيله
صح لسانك ...ودمت بخير

[مرآهيش]

دآئم مبدع يآآبو عبدالله

صح لسآنك مليون

[ناصر الرشيدي]

من العايدين والفايزين يا أحمد وكل عام وانت بخير

وصح لسانك

يعلم الله انك عدلت مزاجي بالقصيده التي يفوح منها ريحت البن والهيل

اسأل الله لك التوفيق

[الشبيح 404]

صح لسانك
وقصيده رايعه يااحمد والابيات جزله تدل على البداوه الاصيله
تقبل مروري

[قسورة الغاب]

اقتباس من مشاركة أحمد البويدي راسي ذبحني والسبب ما تقهويت=الله على كيف ٍ يطير اعماسي ما اشوف من كثر الضرم لو تواظيت= ومن الضرم كن الهبايب براسي حاولت اكمل سيرة الدرب وزريت=وما فالطريق الا عصير وبباسي ياليتني قبل اتحرك من البيت=اخذت من حب اليماني مقاسي وانا اخبر لمن عن القهوه ابطيت =تثر على نفسي وخمس الحواسي حتى ليا مني بغيت وتسويت=طبخه من البريه تعدل راسي عزالله اني ما نسيت او تناسيت= ما كنت عن كيف اهل الكيف ناسي كنت احسبني في طريقي ليا جيت= اول محطاته بزايد حماسي إليا طلبت الدله يقول حييت= وجيبها حسب الطلب عن اعماسي لكنْ عكس الهقوه اللي تهقويت=قابلت في كل المحطات يأسي ياليتني داري عن الغيب ياليت=((ما كان اسوي بالقصيد اقتباسي)) غنيت بيت ٍ لبن مربح يا هو بيت= ((نوب ٍ يهين النفس شيءٍ طفاسي)) عز الله اني يابن مربح ما سويت= وانا من اهل الكيف طبعي وساسي ما كان عن موقف حصلي تغنيت=ولا صار للهاجس صدى وحتباسي وعشان ما ادور على راعي البيت=والا محطة متعبين التكاسي توبة عليّ من لحيتي كان نوُيت=على السفر لخذ دلال وكراسي

حررررر وين انت متلقي هالخطووط وانت ما معك لا عزبه ولامزّوده هههههههه

احمد ابن بدويدي

عيدك مبارك وكل عام وانت بخير

وصح اللسانك واحساسك واقتباسك فعلا قصيده تعدل المزاج مثل ماقال ناصر ^_^

[سلمان العويمري]

صح لسانك وتقبل مرورن

[عبداللطيف العايضي]

هلا وغلا بالشاعر الكبير أحمد

صح للسانك ع هالجزله ولا هو غريب عليك الأبدااااع
الدله هذي وينها أشم ريحت الهيل دوخني أبي أتقهوى أنا وناصر والقسوره هههههههه

تحياتي لك