[عيسى العازمي]

السلام عليكم ورحمة الله وبركاته

اول موضوع لي عباره عن قصيده منقوله .....

مما اعجبني .....


قلبي على نار الغرام الهاديـه مـا يستـوي
زدها حبيبي وأنتبه .. والنار مـن شبابهـا

وإليا كويته وأعتبرها منـك دافـع معنـوي
قصّر عليها حبّتيـن و روح لا تشقـا بهـا

وشلون أرتّب لك مشاعر قلب حبّه فوضوي
والفوضويّه في المحبّه ما بحثـت أسبابهـا

والمشكله لا جيت أسولف لك لساني يلتـوي
وأنا ما أقول الكلمه إلا فـي محـلّ إعرابهـا

أثر الغلا دايم على العشّـاق تأثيـره قـوي
ونتايجه بيني وبينك مـا حسبـت حسابهـا

ما جيتك أنشد عن دروب الغيّ وأدوّر خوي
أنا حياوي وأستحي من لحيتـي وأشنابهـا

جيتك بعد ما ساقني سوق الجمل عشق بدوي
وقيّدتني بالفتنه اللـي شرّعـت لـي بابهـا

دمار شامل عودك .. وعينك مفاعل نـووي
تنقل قنابلهـا النوويّـه بـروس أهدابهـا !

الله يعدّيني خطرها ليـن أشوفـك وأرتـوي
وأسبح بحرها وأطوي كتابي وأفـلّ كتابهـا

وأهيم بك وألبسّك تـاج الجمـال الأنثـوي
وأقول يا كثر القلوب اللي كسبـت إعجابهـا




لــــ سداح

الموضوع الأصلي: عـشـق بــدوي | | الكاتب: عيسى العازمي | | المصدر: شبكة بني عبس

[النقيشى]

تسلم اخى عيس على النقل

[سعد بن عادي]

نقل رائعه وجميل شكرا لك أخوي عيسى أرويتنا شعرا .

[غريق الأمواج]

(( نقل جـــــــــــــيد ))

،
،
،

( صح اللسان الشعار ويسلم الناقل )

[عيسى العازمي]

صح الله بدنكم جميعا ولاهنتوا على المرور


لكم اجمل تحيه

[عيسى العازمي]

صح الله بدنكم

لكم اجمل تحيه