[^_^]

بعترف لك إعتراف وبصمتي تشهد عليه ..
إعتراف يحكي حقيقه ولايكون الرد ليه ..



وشوف قلبي وإسأله ..
وفوق حبي لك مشاعر تنطق بشوق الوجيه ..
كل ماشفتك "حبيبي" قال قلبي إيه أبيه ..
هذا هو اللي "أحبه وأعشقه وأموت فيه"
هذا هو اللي هزمني وخلا أشواقي تجيه ..
هذا هو اللي هويته ليتني لأشتقت أجيه ..

بعترف وهذا إعترافي ..
إن قلبي لك وافي .. وإنك أغلى من يكون ..
وإن حبي لك كافي ..وإن شوفك للجروح طبها اللي كان شافي ..
يابعد حاضر وغايب .. ياسبب إبداع قافي ..

إنت يابسمة شفاتي ..
حبي اللي جاك صافي ..
وصرت صوره في عيوني أنظرك لو كنت غافي ..
نوري الضاوي أشوفه فيك يوم النور طافي ..
وعشقي اللي ماحكيته جاك واضح وجاك خافي ..
بردي لاحرك غصوني في حماك يصير دافي ..
وصيفي لازاد السراب ينتعش لاجيت لافي ..

كيف أعبر وكيف أقول وإنت حلي والحلول ..
كل كلمه قلتها ماتجي ربع الميول ..
لأني أحمل لك غرام يبهر أصناف العقول ..
مايترجم بالكلام ولايترجم بالشمول ..
يكسي الصحراء ورود والزهر يغزي الفصول ..

حبي ماهو حب عادي ولا هو مجرد فضول ..
حب عمره مايموت بالأمل عمره يطول ..
حب يملك حس صادق عيبه بس إنه خجول ..
ماقدر يظهر حنينه ولاقدر يخفي ونينه..
عنده أشعار وأغاني وصارت أشواقه سجينه ..
إن حكى تصمت حروفه .. وإن صمت يحكي أنينه ..
عنده أسرار وموده باقيه لأخر سنينه ..
وعنده للحب معنى يعتلي قمة جبينه ..

كيف أعبر عن مداك .. وكيف أوضح لك غلاك ..
قلي أرجوك بعباره فيها آصل مستواك ..
"كلمه قبلي ماحكوها.. لك ماهيب لسواك"
تشفي لاجتك المواجع وتصبح النور لسماك ..
ودي أبعثها بليل وماتنام الامعاك ..
أوتجي وقت النهار وتصبح الضيف لمساك ..
او تنطقها شفاهي ولجروحك هي دواك ..
تخبرك عني وعن قلبي اللي فيك جن ..
وعن مدارات السهر وعن محطات الزمن ..
لين تقنعك بشعوري اللي ماعمره وهن ..
دايم في سيرتك يسرح لين حبك صار فن ..
حطم أرقام المحبه وإنتهك حد الأمن ..

أعشقك عشق الصراحه .. وعشقي أرسل لك رماحه ..
أكبر من إنك تخيل أوتقيسه في مساحه ..
يعجز التعبير يكتب مهم كانت له فصاحه ..
عن وجودك في حياتي وإني أشعر بإرتياحه ..
وإنك الحب الحقيقي اللي غطاني وشاحه ..

وإن بغيت أكثر أزيدك ..
إني نبضه في وريدك ..
وإني أستلهم وجودي لادفت يدي بإيدك ..
وإني أحزن لافقدتك والفرح عيده بعيدك ..

ماأذكر إني قد نسيتك .. وأذكر إني بس أريدك ..
وكانها الدنيا قديمه أنا بالدنيا جديدك ..
أنا ياقلبي وجودك كان ضاقت بك حدودك ..
وإن تبي الضحكه تراني بسمه تسعد خدودك ..
لاتضايق أوتكدر دامني أغلى وفودك ..
لأني "أحـــــبـــــك" زياده بالوصل ولا بصدودك ..
غصب عنك وغصب عني ذبت في قطرة جمودك ..

لوتعاند أوتكابر ..
غصب "أحـــــبـــــك" لو تهاجر ..
الهوا ماهو غصيبه كنت أدري وكنت خابر ..
بس بالقوه هويتك وتشهد حروف المحابر ..
وأدري إنك في مغرم بس ماهو مثلي وصابر ..
عندك إحساس التحمل وتمتلك حكي المشاعر ..
وأنا لاحبيت أذعت حبي بأوساط المنابر ..
وكان ظني فيك خاطي بأترك الدنيا وأسافر ..
لأني بدونك مجرد جسم من حبه تجرد ..
مايحب الا الخيال اللي في حبك تحدد ..
أنت ياحلمي الجميل غيم ماعمره تبدد ..
المطر نظرة عيونك والعطا منك يتجدد ..
ماخلق مخلوق غيرك أنالرضاه أتودد ..

قلت "أحـــــبـــــك" وإعترفت ..
قلتها وإنت إقتنعت ..
قلتها بصوت الكتابه وصوتي الصادق حبست ..
قلتها وكلي وضوح لك ولغيرك إعتذرت ..
لو زعل ماهمني دام على حبك حصلت ..

في مسافاتك مشيت وآخر الرحله وصلت ..
وجيت وأنفاسي تقول أنا "أحـــــبـــــك" لوزعلت ..

هذي هي كل الحكايه أوسميها الروايه ..
إبتدت منك البدايه .. وإنتهت فيك النهايه ..

تحياتي لكم

^_^

الموضوع الأصلي: خاطرهـ >>> بعترف لك إعتراف وبصمتي تشهد عليه !! | | الكاتب: ^_^ | | المصدر: شبكة بني عبس

[حكاية عطر]

راااااااااااااااااااائعه بكل ماتعنيه من كلمه
الى الاماااااااااام

[تعبت منك]

مشكووووووره والله يعطيك الف عافيه

[الزعيم..]

خاطرهـ مميزهـ

وحضور متألق..

سسلمت الانامل

[سـعود المضيـبري]

الله يعطيك العاااافيه


لانرحمنا من ارداعك

[شتـآت]

كلمـآآت توشحت آالجمآآل ..~

سلمت آنآملك على هذآ النقل آالرآئع ,,

[^_^]

يسلموووووو الجميع على المرور الرائع لاهنتم ودمتى بحفظ الرحمن



^_^

[مجرم زمانه]

يعطيك الف عافيه
خاطره رائعه