[صاحب العبسي]

أحبتى الكرام
السلام عليكم ورحمة الله وبركاته
الاماني عند الانسان كثيره لاحدود لها
لكن شاعرنا وضع حدا في مايتمناه من خلال هذه القصيده
أملا ان تحوز على رضاكم وترتقى الى ذائقتكم الشعرية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ

قالوا تمنى قلت عشرة ملايين= هذي كفاية لجل أغير حياتي
أول ملاييني فدا قرة العين = أمي ولا لي عن رضاها غناتي
ثاني ملاييني بسدد بها الدين= عني وعن أخواني وباقي خواتي
ثالث ملاييني به البيت ياحسين= بيت(ن) وسيع وحوش فيه نخلاتي
رابع ملاييني به الموتر الزين=جيب(ن) جديد (ن) وافضل الماركاتي
خامس ملاييني لسيد المزايين = اللى غلاها داخل القلب باتي
سادس ملاييني ب/الف الميادين = شرق وشمال وغرب لين المماتي
سابع ملاييني فدا الربع الادنين= اللى لهم بالروح حب وغلاتي
ثامن ملاييني كفالة يتيمين= وصى بها محمد عليه الصلاتي
تاسع ملاييني طعام المساكين = أرجي بها عند الولى الثباتي
عاشر ملاييني تجارة وتامين = مستقبل(ن) لايامي المقبلاتي
هذي أمنياتي بس عشرة ملايين= هذي كفاية لجل اغير حياتي

للشاعر/ سليمان التويجري
ودمتم بود

الموضوع الأصلي: قالوا تمنى قلت عشرة ملايين | | الكاتب: صاحب العبسي | | المصدر: شبكة بني عبس