[النمر1012]

على جديد الشوق سجل حضوري
وعلى قديم العهد ياسيدي جيت
احيان تلقاني وتفقد شعوري
وتحس فيني حي واشابه الميت
واحيان تلمس بالمعاني سروري
واشابه احساسي اذا قلت لي بيت
شاعر لقى بستان مزروع جوري
وين التفت ما شاف غيره منابيت
قال لبنات افكار معناه شوري
قالن لقيت اللي طلبت وتمنيت
فرصه وجاتك واغتنمها ضروري
وارفع يدك بالحمد للي حمى البيت
قلت البلا جوه ايخربط اموري
نسيت كل اللي جمعت وتطريت
هبت شذى عطره وضاعت عطوري
وطلبت يالله ثبت القلب تثبيت
بجمع بقايا الفكر وابني جسوري
وباخذ من البستان صوره بتوقيت
ما كل وصف القاه يرضي غروري
ونا الذي بابداع فكري تقهويت
وعندي من الإبداع اغلا تجوري
مخزونه اللولو وماس ويواقيت
ياحارس البستان ولم فطوري
الحين بس الحين تو استقريت
ان كان مابيّـنت لحان دوري
اطفيت واهج جمرتي ما تدفيت
وان ما ضوى ليله من اشعاع نوري
لاعاد يفتح بابه ان كان مريت
انا القديم اللي تحرى ظهوري
وعلى جديد الحان لقياه غنيت
في ساحته جبـّرت اكبر كسوري
وقمت اتمشا بالقدم ما تثـنيت
ماظن ينساني وينكر حضوري
وماظنني بنساه لو له تناسيت



حمد عبدالله النعيمي - وجه الشمال

الموضوع الأصلي: على جديد الشوق سجل حضوري | | الكاتب: النمر1012 | | المصدر: شبكة بني عبس

[أثير الشوق]

قصيده رائعه ...لاهنت يالنمر على النقل الجميل

[شداد المظيبري]

صح لشانه عاى القصيده
لاهنت النمر 1012 اختيار رائـع

[النمر1012]

الله يسلمكم وعافيكم ومشكورين علي المرورررررررررررر الجميع

[(الفارس)]

قصيده رائعه والاروع طرحك المميز دائماً
تحــــياتي لكـ يالنمر1012

[سعد محمد]

على جديد الشوق سجل حضوري
وعلى قديم العهد ياسيدي جيت
احيان تلقاني وتفقد شعوري
وتحس فيني حي واشابه الميت

صح الله لسانه عل هذا لابيات الجميله ورائعه

ولاهنت اخي النمر على هاذ لاختيار وذوووق الجميل.

تحياتي ’’’

[النمر1012]

الله يسلمكم وعافيكم ومشكورين علي المروررررررررررررررررررررررررر

[بنت قناص]

صح الساااانك