[سعد الشقل]

السلام عليكم ورحمة الله وبركاته


اضع بين ايدكم هذه القصيده المتواضعه

واتمنى ان تنال اعجابكم..//

لا والله الا ولع القلب نيران=صارت حياتي معلقه في هواها
الزين هذا ولع القلب بركان=فيها الدلع والزين كامل حلاها
ومدام فكر الشعر بالبال طربان=بكتب قصايد تعجب الي قراهاا
ودزها عبر الرسايل بعنوان=كل الحروف الابجديه فداها
قالت تركد يلي طاير وعجلان=من مايعرف البير يجهل غطاها
قالت عرفت الحب من هاك الازمان=قصه اليمه عارفه منتهاها
فيها الخيانه والكذب حيل مليان=حاله صعيبه عارفه ما وراها
قلت الحقيقه جيت صادق وولهان=وهذي رساله باين ن محتواها
ماني من اللي نيته مثل شيطان=اهل المحبه ما جحدنا ثناها
البنت هذي بنت شيخ ن وسلطان=الله رفع بين البشر مستواها
هذي قصيده قلتها بقلب ولسان=وقولها وردها من غلاها

مغليكم..// سعد مثني بتال الشقل

الموضوع الأصلي: بنت سلطان (سعد الشقل) | | الكاتب: سعد الشقل | | المصدر: شبكة بني عبس

[ابراهيم الرشيدي]

قصيدة تعبر عن مشاعرررررررررررررر ساعرررررررررررها

صح السانك


لاتحرمنا من جديدك

[سعد الشقل]

صح بدنكـ

وابشر بكل ماهو جديد

واشكر لك متابعتكـ

[خلف العايضي]

الغالي والقدير : : سعد الشقل

صح السانك وسلم بوح ايها المبدع على هذه الجزله التي بلاشك انها وافيه من وافي


تقبل التحية والتقدير

[بنت العبسي]

صح لسانك شاعرنا

والله كلمات فائقة الروعة واحاسيس صعب تجسيدها

بعيدً عن قصيدتك الراائعة

[سالم الرشيدي]

صح السااانك

وبيض الله وجهك على النقل الراااائع

وماااننحرم من جديدك

[سعد الشقل]

اقتباس من مشاركة خلف العايضي الغالي والقدير : : سعد الشقل صح السانك وسلم بوح ايها المبدع على هذه الجزله التي بلاشك انها وافيه من وافي تقبل التحية والتقدير

صح بدنكـ

نورت صفحتي ايها الشاعر المبدع..// خلف العايضي

وشاكر لك مرورك وتعليقكـ الرائع

[سعد الشقل]

اقتباس من مشاركة بنت العبسي صح لسانك شاعرنا والله كلمات فائقة الروعة واحاسيس صعب تجسيدها بعيدً عن قصيدتك الراائعة

صح بدنكـ

يانجمه المنتدى والمتألقه دائما

وشاكر لك مرورك الكريم..//