[عبدالعزيز الخياري]

السلام عليكم ورحمة الله وبركاته

اخواني هذه المحاوره التي جرت بين مشعل العنزي و سلمان ابن عمّار في هذا المنتدى يوم الخميس ليلة الجمعة 27/8/1427

مشعل

قبل لا نبتدي نظم الشعر بسم الله الرحمن=بدايه من هجوسن كل من يفهم يقدرها
وبعدها يا سلامي ردتن نزهم بها سلمان=وانا كلي عذر عن ساعتن كنت متاخرها

سلمان

هلا يامرحبا عني لحالي وأثبت البرهـان=بعد صغرتها ياصاحبي مانـي مكبرهـا
علامك يوم خصيت بسلامك يارفيع الشان=ملا حظتن بسيطة وإرجع لنفسك وشاورها

مشعل

عسى فيك البقا يالشاعر اللي تنظم القيفان=جنيهات الذهب ما كل رجالن يزورهـا
اثر ما فيك حيله لكن الله يقطع الشيطان=منسيني رجالن بالوفا والطيـب نذكرهـا

سلمان

عليه بالحرام إني ماشوف أغلى من الويلان=ماغير أدعي عسى المعبود بعنيزة يكثرهـا
انا مافي حيلة لكـن الله يقطـع النسيـان=ينسي مشعل أهل الطيب مايجبر خواطرها

مشعل

مدامك بالقصيم الحين مشعل يغلي القصمـان=عشان السلعة اللي عندكـم لجلـه تدورهـا
صحيح ان جدكم من شان عبله جمَع الفرسان=وجاب الفين ناقه يوم هلـت لـه عبايرهـا

سلمان

انا ماغليت مشعل لجل أدور سلعة الدكان=ولكن لجل ميزة طيبة سلمـان خابرهـا
وأنا يمكنّي آسوي سواته بآخر الأزمـان=على شان الغلا والطيبة ماني بخاسرهـا

مشعل

انا ضيفن عليكم وانت طيب تكرم الضيفان=وترا عادتكم لضيوفكـم مانـي بمنكرهـا
وانا خابرك ياسلمان طيب تروي الظميان=وتعز اللي يجيك وكل رغباتـه تيسرهـا

سلمان

ليا حليت ضيف آقلطك فوق أطيب الخرفان=على شان عنزة في قدرهـا كـلٍ يقدرهـا
وأنا بارويك مجبر لو أحط بحلقك المحقان=مدام إن الك رغبة والله إني غير أدبرهـا

مشعل

وانا لا جيتكم تهدي لي المهره بدون عنان=تقول ابشر بها و العن على الوجهين خيَِِِِِِِرها
واذا ما تعجبك يالوايلي عطني بدلها حصان=حصان الوايلي يتعب قدم رجلي ويسترهـا

سلمان

الا ياصابرين الصبر طيب والكريم معان=نجوم أصد عنها نظرتي ونجوم أسامرها
ألا يازينها لو إنها فـي داخـل الميـدان=تناظرني صفوف اللعب وعيوني تناظرها

مشعل

الا يا صاحبي وش فيك تخلف كيلة الميزان=ترا قدمك مسافه وانت حاول ما تعثرها
اذا جاك التعب قلي يا مشعل صاحبك تعبان=غرق في شاطي الما وانته الغبات تعبرها

الموضوع الأصلي: التنسيق النهائي لمحاورة مشعل العنزي وسلمان ابن عمّار | | الكاتب: عبدالعزيز الخياري | | المصدر: شبكة بني عبس

[بدر الحشية]

مشكور على التنسيق الرائع ولا هنت

[سالم الزير]

محاوره في قمة الروعه بين شعار يتصفون بالوزن والاحترام المتبادل المحاوره شيقه ولا يوجد عليها اي ملاحظات ومن وجهة نظري بأنه من خلال هذه المحاوره يتبين لنا بان الاثنين متمكنين من القدره على المجاراه وبصمتهم هذه تدل على الكثير من تمسكهم بالحنكه والحكمه الشعرية الفريده .

المهلهل

[أنكسارحلم]

مشكور ياعبدالعزيز على هذا التنسيق الرائع

وفعلا محاوره تستحق الاشاده والتمعن في معانيها الفريده من نوعها

شعراء لهم باعٍ طويل في هذا المجال وهذا من مايدل على ابداعهم

وكل عام وانتم بخير

[ابوصالح]

مشكور ياعبدالعزيز على هذا التنسيق الرائع

شكراً لك اخي الكريم
:p :p

[مرضي الداموك]

مشكور ياعبدالعزيز على هذا التنسيق الرائع

وفعلا محاوره تستحق الاشاده والتمعن في معانيها الفريده من نوعها

شعراء لهم باعٍ طويل في هذا المجال وهذا من مايدل على ابداعهم

وكل عام وانتم بخير

[بندر الذيابي]

الله يعطيك العافيه

مشكوووووووووور ولاهنت يالغالي


اخوك


بندر

[هديان الرشيدي]

شكرا اخي عبدالعزيز الخياري على هذا النقل الرائع ومحاوره جيده وكل عام وانتم بخير:( :( :(