[عبس نسل الاحرار]

الســلام عليكــم ورحمــة الله وبركاتــــــه






حبيت انقل لكم قصيدة جزله بمعنى الكلمه وهي رائعه من روائع



شاعر الاحداث الكبير : عبدالله مبارك الـردعــان



واتمنى ان تحوز على رضاكم وان تنال اعجابكم,,,




(( افخر اني رشيدي ))




يا سلامي عدد ما تنبت القـــاع عـــــــود &&& من ضمير(ن) تغنا والعرب تسمعـــــه


مــن بــلاد الصباح ليـا بـــلاد السعـــــود &&& نعرف الشعب واحد والغلا يجمعــــه


مــا يفـرق ترابطنــا كـــلام الحســــــــود &&& حبلنا قســــوة الايــــام ما تقطعـــــه


ثبت الديــــــن رب(ن) بالحيــاة امعبـــود &&& وارسل المصطفى والمهتدي يتبعـــه


لي لفينـا لربـــع(ن) دوم ترقــا سنــــــود &&& والله انه الشرف في قدرنا ترفعـــــــه


ما لنا بالحـدود الطيـــب مــا لــــه حــدود &&& طيبنا وين ما رحت الجهات اربعـــــه


كل مــا زادت العربـــان حنــــا نـــــــزود &&& العرب تجتهــد بالطيــب وتشجعــــــه


وكل فعل(ن)علـــى نهج الصواب امحمود &&& دام فينـــا رجــال العرف والمنفعـــــه


وربعي اللي غلاهـــا مــــن وفــاها يسود &&& عشقة(ن) فــوق عرش القلب متربعه


الرشيدي مجمـل بالمكـــارم يجـــــــــــود &&& لا نخيته جنــون الارض مـــا تمنعـــه


كاسرن نــاب داب وضاريـات الاســـــود &&& لو تجمع عليه تخاف ما تصـرعـــــــه


مــــن وراه القبيلــة في وطنهـــا جنـــود &&& الخوي تنفعه والمعتــــدي تردعــــــه


يا بني عبس ياللـــي عند قدح الزنــــــود &&& تكعم العايل المقـــــــــرود وتسنعــــه


ما يجي واحدن بين الجماعــــه شــــرود &&& لا توخــر علــى درب السنــع تدفعـــه


(افخـر اني رشيدي) عبس ورث الجـدود &&& والشواهد مــوثقها على المطبعــــــــه






وسلامتكم


لشاعر الاحداث العملاق : عبدالله مبارك الـردعــان


وانتظر ردودكم وارائكم

الموضوع الأصلي: ((( افخر اني رشيدي ))) لشاعر الاحداث الكبير عبدالله بن مبارك الردعان | | الكاتب: عبس نسل الاحرار | | المصدر: شبكة بني عبس

[الهطلاني]

ياسلاااااااااااااااااااااااااااااااااااااااااااااا ااااااااااااااام

كفو والله ،،،،،،،،،،،صح لسانه ولاهان

وشكرا على نقلها

[البعيد الهادي]

صح اللسااان الشاااعر الكبير/ عبدالله مبارك الـردعــان
على هذه الجزله
وبيض الله وجهك اخي عبس نسل الحرار
على هذا النقل الرائع
ودمت بخير

[برق الوسم]

صح لسان عبدالله ولاهنت اخوي على النقل تقبل مروري

[عبس نسل الاحرار]

يعطيكم العافية اخواني على المرور

والردود اللي نورت الصفحه

ولاهنتوا جميعا بيض الله وجيهكم



عبس نسل الاحرار ,,,,,

[حلا]

تسلم والله لافض فوك

مــن بــلاد الصباح ليـا بـــلاد السعـــــود

[عبس نسل الاحرار]

تسلمين اختي على مرورك

واختيار موفق للبيت

ولاهنتي

[مروان الرشيدي]

تسلم اياديك ع الطرح الروعه

صح لسان شاعرنا الكبير الشاعر

عبدالله مبارك الردعان
:
:
:
تحياتي