[الاطلسي]

لا علاقة مع خبول العرب وامجاملة !!!

العذر .. يكفي تهـاون ويكفـي ماحصـل

مابقى فالقلـب ذرة صبـر وامجاملـة !!

مابقى غير الصراحـة// تسمّعلـي عـدل

كلمةٍ تسوى كثيـر الحكـاوي ( صاملـة)

مانماشـي واحـدٍ ماحمـل ذرة خـجـل

والصياعة مشكلـة فـي حياتـه عاملـة

والخبـر ماناخـذه لأتانـا مـن خـبـل

مالنـا مصلـوح ويّـا الهـروج الهاملـة

لك شكل وادروب .. وانا لي ادروب وشكل

ماستوى فكرك على فكري اللي حاملـة!!

الدروب انواع دربٍ وعر .. دربٍ سهـل

والعزوم آصناف .. والنّاس ماهي كاملـة

به خفيفٍ مثلما الريش .. به مثل الجبـل

به صقورٍ جارحة /// به ديـوكٍ خاملـة!!

مافلح قلبٍ يئس واعتـزل سـاح العمـل

ينتظر موته .. وشغلـه يطـق آناملـه !!

والصحيح اللي سعا// كله آحـلام وأمـل

يطرد الرزق .. وعزومه علـى عواملـه

والنوايـا خافيـه كـل قلـب وماحمـل!!

والبشـر ماكلـهـا بالعـفـو متعامـلـه

قلتها لك .. والجهل دمّر اعقـول الجهـل

والفوايـد كلّهـا فـالـدروس الشامـلـة

ذي حروفٍ موجزة !! والمثل واحد مثـل

جملـةٍ ليتـك تمعّـن بـهـا متكامـلـة

خير ماقال الفتـى : قـول مـا قـلا ودل

( لا علاقة مع خبول العـرب وامجاملـة

الموضوع الأصلي: لاعلاقه مع خبول العرب وامجامله | | الكاتب: الاطلسي | | المصدر: شبكة بني عبس

[عبس نسل الاحرار]

بيض الله وجهك اخوي على القصيده الرائعه

وتحياتي لك وتقبل مروري

[مروان الرشيدي]

صح لسااانكـ



قصيده رائعه



طرح اروع


لاهنت يامال العافيه


//

/

تحياتي

[ذبحني غروركـ]

الله الله
ابدااع
الله يسعدكـ
مشكووور
أختك/ذبحني غروركـ