[فيصل الدلوم]

{العــام الجديــد}








آه لوأملك ربع ماتملكه (إ يـد الوليـد)
لأجل أحقق أمنياته ولأجل ألبي مطمعه !؟





موعـد جديد وقصيده من القلب
أتمنى أن تحوز
على رضائكم وأعجابكم

علموه إني ذكرتـه.. بـأول العـام الجديـد=وعلموه أن الجروح.. بقلب فيصـل موجعـه
إيه أحبه.. كثـر حبـي للمعانـي والقصيـد=وكثر ماهلّت دموعي.. يوم حـل إموادعـه
أشتاقله.. كثر إشتياق (الجد) لعناق الحفيـد=وأتحمله.. كثر إحتمال السد موجـن يدفعـه
وأحتاجله.. كثر إحتياج القلب للدّم..والوريد=وأنفعه.. مثل العشير اللـي عشيـره ينفعـه
آه لوأملك ربـع ماتملكـه (إ يـد الوليـد)=لأجل أحقق أمنياته ولأجـل ألبـي مطمعـه
ذاب قلبي في غيابه.. مثـل مـاذاب الحديـد=يوم ولعنـي وخـلا .. نـار قلبـي مولعـه
أشهد أنه مارحمنـي.. يـوم خلانـي وحيـد=طاوعه قلبه يغيب ..وكيف قلبه طاوعه.. !؟
ماسمعت ألا (شطر) ويحرّك إشعـور البليـد=(ضاقت الدنيا بشاعر طيـب قلبـه ضيعـه)
آتمناه..وأريـده.. (والله يفعـل مايـريـد)=وكان مكتوب الغياب..شحيلتي وكيف أمنعه؟
علموه إني فقدتـه وياعسـى عامـه سعيـد=وعلموه أن القصايـد.. فـي غيابـه تتبعـه

الموضوع الأصلي: العــام الجديــد..!؟ | | الكاتب: فيصل الدلوم | | المصدر: شبكة بني عبس

[عبدالعزيزعلي]

اشهدان مارحمني صح اللسانك ولاهنت اخي فيصل

[خلف العايضي]

الشاعر القدير

فيصل الدلوم


قصيده الأبداع لا تاتي لا من المبدع . . . اتمنى ان يتحقق حلمك ويكون رصيدك نصف رصيد الوليد

بس اخاف تنسانا !!! ولا تكتب في منتدانا !!! ونكون في خبر كانا
\

تقبل التحية والتقدير

[قيس]

الله الله الله


هنا الابدااع عندما تمطر سحابه قصائد فيصل ...

ماشاءالله عليك ... مبدع وعسى هالحال واصل ...

صح لسانك .. ونحن على جمر بإنتظار جديد ...

لا تحرمنا عسى الله لا يحرمنا منك ...

اخوك
قيس

[مرزوق العجوني]

صح لساااااانك يافيصل ولا هنت على الرائعه وتقبل مروري وتقديري وننتظر جديدك

[مهدي البراك]

سلام لفيصل الدلوم لجاب الجديد00كان قلبك مولع قلبي قصيدك ولعه00طالبك الفراق لايعيد ولايزيد00العين لاتهل الدمعة وهي مدمعة (مهدي الراك)

[الهنوف]

إيه أحبه.. كثـر حبـي للمعانـي والقصيـد
وكثر ماهلّت دموعي.. يوم حـل إموادعـه
أشتاقله.. كثر إشتياق (الجد) لعنـاق الحفيـد
وأتحمله.. كثر إحتمال السد موجـن يدفعـه

صح لسانك ويعطيك ألف عافية

بإنتظار جديدك

دمت بكل خير
أختك الهنوف

[فهد المويسه]

صح لسانك يا ناصر

وقصيده جزله ورائعه

وتقبل سلامي