[سعد الفلاح]

أبوعوجه

نعم نعم

انا شفت الي مشبوه في ثوب رجال=يشيل الجنازه بين ضلع ِوادي
وعقلت الذلول اللي بلا قيد وعقال=براس شعباء حطيت فيها القيادي

الشاعر

\

[/POEM][/QUOTE]

انا اسمع كثير امثال ياطيب الفال=عسى الله من العدوان يحمى البلادي
تبين السوالف لضلم الليل وانجال= ياطير السعد هذا تراه الوكادي

أبوعوجه

الله الله

شبعنا شبعنا اليوم من ضرب الامثال=وصبرنا عليها مثل صبر المهادي
سبرنا من المشرق مجند وخيال=وضربته بها بين النحر والثنادي

الشاعر

ياليتك تعلم فيه سالم ومرسال= وابو وثر يوم انه ركب بالشدادي
تحيزم وقلنا يابطل صد الابطال= لكنه رجع ياذيب بيض الايادي

ابوعوجه


نعم نعم

هذولاك شعار ٍلها اقوال وفعال=وبو وثر راح ولاحصله مرادي
حدوني عنه بعض المقرد وجهال=ماتفهم سلوم ولا تعرف المبادي

الشاعر

[/POEM][/QUOTE]

ماقلنا ردا يا طيب الجد والخال= لكان الخطا التطبيل والشيخ غادي
مدامك تطب السوق باجنيه وريال= ياسرحان لاتزعل من اهل الدوادي

ابوعوجه

انا اعرف رجال الطيب وعرف الانذال=ولا اولع الا من شرارة زنادي
ابشرك عندي معرفه مع وسع بال=ولا ضيقو صدري قصار الايادي

الشاعر

الا يارفيقي لا متى الحال هل حال= تهب السموم ونعتبرها برادي
مضى اجيال ثم اجيال واجيال واجيال= وحنا نغير الياسمعنا المنادي

ابوعوجه

ياكثر المصائب ياصديقي والاهوال=من اللي نشوف ونسمعه بالروادي
بني عبس مازالت وتبقى ولا تزال=ولا حده عن ماتبى اليوم حادي

الموضوع الأصلي: محاورة ابوعوجه*و*الشاعر | | الكاتب: سعد الفلاح | | المصدر: شبكة بني عبس

[منصور بن صبح]

مشكور على التنسيق والشعار كفو ووفو

[مسندالعويمري]

بني عبس مازالت وتبقى ولا تزال
ولا حده عن ماتبى اليوم حـادي

محاوره قوية المعنا والشعرا الكبار هذا حضور شعري ومعنا


تشكر يالزعيم سعد الفلاح على التنسيق والاهتمام وتفعيل هذا القسم الغالي علينا جميع

[سرحان]

محاوره قويه جدا جدا جدا
مشكور على التنسيق

[سعد الشقل]

صح اللسان الشعراء

محاوره فوق الرائعه

ويعطيكـ العافيه يالزميل على التنسيق ..//

[ناصر خنيفر]

سعدمشكور على التنسيق يعطيه العافيه

[برق الوسم]

محاوره رائعه