[فهد العايضي]

بسم الله الرحمن الرحيم





هذا هو king وهذي هي هواجسه واحلامه وحزنه وقصيده مبلله بالشجن ومسورة بالألغام يوجه هذه القصيدة
الى الشاعر والصحفي الرائع نايف الرشيدي ....مدير تحرير مجلة المختلف
ستجدونها بالمختلف


سبحان مـن در المطـر وأحيابـه القـاع الهميـت
الشكر لـه والحمـدلله والفضـل لـه والمـن لـه

ياالمانع اللي تمنـع وتعطـي إلـى منـك عطيـت
ياكافـل(ن )رزق اليتيـم اللـي تولـتـه أرمـلـه

علـى محمـد صـل ياربـي وسـلـم وآل بـيـت
محمـد وصحـبـه وبلغـنـا مـعـاه المنـزلـه

وياصاحبي واغلا اصاحيبـي يانايـف ويـت ويـت wait
علـم رشايـدة الكويـت الطيـب منهـم منهـلـه

رجال عبس اللي بنوا لي فـي قلـوب العـز بيـت
احفـاد مجـد الماضـي اللـي يحفظـه مستقبلـه

هاماتهـم مثـل الجبـال الشـم وأولهـا حفـيـت
سـلالـة الـعـز القـديـم بعـزهـا متسلـسـه

ودي اصرح لـك وخـاف انـك تحطهـا مانشيـت
وينسـل سيـف وينتخـي عـزوة وتقـدح قنبلـه

مـاودك إلـى ضاقـت فجـوح الوسيعـه كمبليـت
ودارت عليـك النايـبـات وتعّبـتـك المعضـلـه

إلا رشيدي مـن رشايـدة نجـد وإلا أهـل الكويـت
مـن دون قاصـر فـي رجـال مجدهـم مانجهلـه

لوإن ربعـي يـام مـن فـوق الهقـاوي لاهقيـت
(................................................. ..)

في روسهـم حـب مايطحنـه الزمـان المستميـت
وعيونهم تقبس شـرار(ن) مـن شـرار المرجلـه

لكـن نايـف لا أعـدم مـن صحبتـه ولا خليـت
من وقفته وقفة ..ورى وقفـة ولاهـي بـا لأولـه

ياصاحبي نايف سعيـد الحـظ مـن حظـه بخيـت
ماكـل راعـي حـظ حظـه فالـلـزوم ايجمـلـه

اشوف بعض حظوظ خلق الله مثـل بنـت السبيـت
تاكـل وراعيـهـا مـادامـه يمتلكـهـا تكّمـلـه

اليا نويت تزور شيخ (ن) له على أهل الصيت صيت
اخذ معـك قلبـي يقـول اللـي بـا أقولـه أوقلـه

وشلون مايرضى علي وأنا قبل ما أزعـل رضيـت
وشلـون مايزعـل علـي وأنـا اتشـرف بزعلـه

ياسيـدي ياللـي علـى العالـي المجـد اعتلـيـت
ارض (ن) مهي بارض(ن) زراعية ما تنبت سنبلـه

وسنابلـك تمـلأ بطـون الفقـراء اللـي تبـيـت
وايدينهـا لـك فالسمـاء فكـل لـيـل مشهـلـه

ازهل ابو ضلع (ن) عوج وازهل ابو وجه (ن) شميت
لكـن صـدك ياطويـل العمـر وشلـون أزهـلـه

اتضيـق بـي ماليزيـا او تتسـع بـي ماهنـيـت
إلا معـا ذكــراك فــي وادي يـغـرد بلبـلـه

نفيتنـي فـي رحلـة المنفـى لكـنـك مانفـيـت
مقامـك اللـي كـل طـاري للمـعـزة يشعـلـه

من سائل (ن) سؤال يطرح لـه سـؤال وماعطيـت
جـواب يطـرح لـه جـواب إيحـل لغـز الاسئلـة

اغيب عنك شهـر كامـل وانـت مقفـي مادريـت
ولا نـزل عنـدي غـلاك ولا ذبـل فينـي ولــه

ومادام مابـه وصـل بعـد مفارقـك اجـل ياليـت
ياليت تسمـح لـي اغيـب العمـر عنـك بأكملـه

ذكرتك وطاحت دموعي من غـلاك ومـا استحيـت
إلا وقفـت اصيـح فـي دمعـي غـلا واستعجلـه

ماهو بعيب إليـا بكيـت اللـي علـى بعـده بكيـت
رجّال وابكـي لـي علـى رجـال ويـن المشكلـه

بغيـت ارسـل لـك مسـج لكـن والله ماقـويـت
مـن النبـل تختـار وسيلـة وصــل مستنبـلـه

احساسي الصادق لا يمكن ينحصـر قـي كـم بيـت
ولو ينحصـر فـي كـم بيـت الأجهـزة ماترسلـه

واحساسنا اللي من مفارق شخص وإلا فقـد ميـت
بعض الهواتف حسهـا مرهـف ماهـي تستعملـه

قصرت طايلـة الأيـادي ليـن طاحـت واستويـت
اتكبـل يــدي هيبـتـك وإلا مـاهـي بمكبـلـه

مجرم وسوى له جريمة يـوم غبـت ويـوم جيـت
زبـن علـي ظلـك لـو ان ظـل الجبـال يـظلله

ثنتيـن للمجـرم فشـرع الله واخـتـر مابغـيـت
إما عفو عنّـه هـل المجنـي عليـه ... او اقتلـه

ياصاحبـي يامحزمـي ياقـدوتـي انــا غـديـت
على طريـق المايـل ومالـي عـذر غيـر أعدلـه

والعز ماهـو بشـت واخويـا وكـم برميـل زيـت
العـز جـدك ورّثـه لابــوك وانــت تكمـلـه

واللي سرى في ليل (ن) اسود موحش من دون ليت
ماهي تهّمه عوية (ن) من ذيـب فـي راس اجبلـه

ياكم صباح (ن) قد غبشت وكـم ليـل قـد سريـت
وانـا اكتوفـي بالحـمـول الكـايـدات محمـلـه

ماهو بمسرى واحد (ن) ودع هلـه عنـد المبيـت
ولا خذالـه ساعتيـن إلا وهــو فحـمـا هـلـه

سريتها مسرى الملك عبـد العزيـز مـن الكويـت
حتى حكـم نجـد المسمـى مـن علّـوه لأسفلـه

وإليا نويـت اقـول باسـم الله إليـا منـي نويـت
ويثـور مـوج البحـر والربـان يثبـت محمـلـه

متعـود أنـي لاحكيـت اجهـر برايـي لاحكـيـت
ولا أفـكـر فالسنـيـن الماضـيـه والمقـبـلـه

ماحـد (ن) يحـط فقبـر احـد بغيـت او مابغيـت
وان حط احد في قبـر احـد كـل يحاسـب بعملـه
شعر / محمدبن الذيب

الموضوع الأصلي: رجــال عبــس .. لمحمد بن الذيــب | | الكاتب: فهد العايضي | | المصدر: شبكة بني عبس

[ذيب المناخ]

الله يعطيك العافيه

وتقبل سلامي

[فهد العايضي]

ذيب المناخ الله لايهينك اخي العزيز على المرروووووووووووووووووور واشكرك كل الشكر

[مسندالعويمري]

صح السان محمد بن ذيب وبيض الله وجه

رجال عبس اللي بنوا لي فـي قلـوب العـز بيـتاحفـاد مجـد الماضـي اللـي  يحفظـه  مستقبلـه

هاماتهـم مثـل الجبـال  الشـم  وأولهـا  حفـيـتسـلالـة   الـعـز   القـديـم   بعـزهـا   متسلـسـه

احفـيـت هذا جبل بين الامارات وعمان جبل مشهور

وشكرا يافهد العايضي وبيض الله وجهك

[شامان]

معلومات عن جبل ((حفيت))

جبل حفيت ، يقع في العين في دولة الإمارات و اهتم به في حياته الشيخ زايد بن سلطان آل نهيان. وفيه مطعم في القمة ومنتجع فرنسي حيث يمكن الإستمتاع بالمنظر الجميل ومشاهدة كامل مدينة العين.

و يرتفع جبل حفيت 1,300 متر فوق سطح البحر. ويقع إلى الجنوب مباشرة من مدينة العين راسماً الحدود بين الإمارات وعمان. وتمكن رؤيته بسهولة من الفضاء. من الأسفل يبدو للناظر مثل "حوت على الشاطئ" مثلما وصفه ويلفريد ثيسجر ذات مرة.

[شامان]

بيض الله وجهك يافهد العايضي

على نقل هالرائعة للرائع والكنج محمد بن الذيب ويستاهل نايف الرشيدي لانه راعي طيب وفزعات وقبيلة بني رشيد قبيلة عزيزة برجالها وفرسانها وطيبها ومجدها

[خالد الرشيدي**]

مشكوووور اخوي على النقل الطيب

للشاعر الكبير محمد الذيب

و عساك على القوه

[عواد العويمرى]

الله يعطيك العافيه

وتقبل سلامي