[العريض]

أبد .. ما جيت ابارك لك ولكن جيت باوصّيك000على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك000قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك000نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك000كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك000تدللهـا .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك000ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك000لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك000وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك000وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك000تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك000ما يحتاج اورّي لك بفـن الضـرب موهبْتـي

صحيح انك بتملكهـا ومعـك العقـد بالتمليـك000وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك000يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك000تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك000ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك000دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك000أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك000ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك000أخاف انّـي إذا قلتـه تقـوم وتقطـع رْقبْتـي

محمد عمر الشهري

الموضوع الأصلي: **وانا ما جيت اخرّب عرسك الليلـه ولا أذّيـك** | | الكاتب: العريض | | المصدر: شبكة بني عبس

[شــهـــد]

روعه و محزنه بنفس الوقت ..
<~~ حزنت خخخخخخخخخخ
.
.
لاهنت حجاج ع النقل .. ‘
.
.

[ادري طيبتي غلطه]

ابداااااااااااااااااااااع يمتزج بقسوة الحزن

أنا من كثر ما اغليها أحس اني بديـت اغليـك000ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك000لذا ياخـوي لا تسـأل ولا تسمـع لأجوبْتـي

الله يعطيك العافيه اخوي حجاح على نقلك الرائع وصح لسان شاعرها

[ذكريات]

تسلم على القصيدة الجميلة ..
وصح لسان شاعرها ..

[العريض]

اقتباس من مشاركة شــهـــد روعه و محزنه بنفس الوقت .. <~~ حزنت خخخخخخخخخخ . . لاهنت حجاج ع النقل .. ‘ . .

يسلموووووو ع المرور شهد هلاوغلا

[العريض]

اقتباس من مشاركة ادري طيبتي غلطه ابداااااااااااااااااااااع يمتزج بقسوة الحزن أنا من كثر ما اغليها أحس اني بديـت اغليـك000ولا تسـأل بأيّـة حـق ولا ّ وش مناسبْـتـي لإنك لو بتسألني بتسمع شـيء مـا يرضيـك000لذا ياخـوي لا تسـأل ولا تسمـع لأجوبْتـي الله يعطيك العافيه اخوي حجاح على نقلك الرائع وصح لسان شاعرها

صح كلك مرورك هووو الرائع

هلابك ملاييييييييييييييييين

[مذكر الرشيدي]

الله يعطيك العافيه
على اختيارك هذه القصيده الجميله

[العريض]

اقتباس من مشاركة ذكريات تسلم على القصيدة الجميلة .. وصح لسان شاعرها ..

يسلم حضوووووورك


صح كلك هلاوغلا