[جوري 2008]

هناك سلوكيات خاطئة في مجتمعاتنا

لذا يجب توضيح الخطأ ... ومحاولة أن إصلاحه بسلوك تربوي حضاري ...

بسم الله نبدأ ..

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..

ــــــــــــــــــــــــــــــــــــ

خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تاكل......و تسكت ..
ـــــــــــــــــــــــــــــــــــــــ

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين

تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..
ثم ..
قبل لاتطلع تقوله لاصارت جامعة ابوك اطرد الطلبه ..

ــــــــــــــــــــــــــــــــــــــــــ

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ...
ثم ..
تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...

ـــــــــــــــــــــــــــــــــــ

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...
ـــــــــــــــــــــــــــــــــــــــــــ

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

ـــــــــــــــــــــــــــــــــــــــــــــ

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

ـــــــــــــــــــــــــــــــــــــــــــــ

اتمنى محد ياخذ الموووووضوووووع بجديه لااني امزح

لاتوهقووووووووووووووني

بعدين يصير فيها قضايا بسب الموضوع ههههههههههه

الموضوع الأصلي: هناك سلوكيات خاطئة في مجتمعاتنا | | الكاتب: جوري 2008 | | المصدر: شبكة بني عبس

[هداج]

جوري


مرحبا بك ومشكوره

ــــــــــــــــــــــــــــــــــــ خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ... الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ... ثم .. قله مرة ثانية تصير الاشارة خضراء .. تصير حمراء .. تصير زرقاء ... تاكل......و تسكت .. ـــــــــــــــــــــــــــــــــــــــ

اما هاذي ما ودك انها تطوف 100% ودك كل واحد يسويها

[شـــوق]

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

يوووووووووووووووووووووه كانك تكلمين عني

تسلمين على هالموضوع :)

[الكرزالرشيديه]

جوري 2008

مشكوووووره ضحكتيني من قلب الله يسعدك

رائع الموضوع الله يعطيك العافيه

[جوري 2008]

اقتباس من مشاركة هداج اما هاذي ما ودك انها تطوف 100% ودك كل واحد يسويها

الله يستر من نصايحك اخوي هداج شكل اخرتها سجن انا وياك


يسلموووووووووووووو على المرور

[جوري 2008]

اقتباس من مشاركة المهيمزيه يوووووووووووووووووووووه كانك تكلمين عني تسلمين على هالموضوع :)

احجزي لك عنبر معي انا وهداج

يسلمووووووووووووو على المرور

[جوري 2008]

دوووووووووم هالضحكــــــــــــــــــات اختي كـــــــــروزه

اسعــــــــــــــــدني مــــرورك

[ذيب المناخ]

جوري 2008
مشكور اختي العزيزه على الموضوع الهادف
ودمت الى الامام