[عبدالله عوجان]

العلم الأكيــــــــــــــــــد

يالله يامنزل سبأ والعاديات=والفتح والتوبه وطه والحديد
ياربّ ياخالق جميع الكائنات=ياغافر ذنوب الخلايق ياحميد
ياربّ ياللي لجلك تقام الصلاة=وشهر رمضان يصام لجلك يامجيد
ياللي فرضت الحجّ وإيتاء الزكاة=أعوذبك ياربّ باليوم الشديد
ياربّ ثبـّـتني على درب الثبات=وكاني شقي ياربّ فااجعلني سعيد
البارحه مانمت فارقت السبات=والحزن يجري في شرايين الوريد
ضاقت عليّ الأرض من كلّ الجهات=والهمّ لاروّح بدا همٍ جديد
والوقت يمضي والسنين الماضيات=راحت ووقتٍ راح لايمكن يعيد
والصبر غلّق والعمر لا فات فات=والحظّ وقـّـف لعنبو الحظّ العنيد
ياربّ يسّرها علي بالمقبلات=صبري قضى لونّ صبري من حديد
تعبت من ضيمٍ مسوّيبي سوات=اللي غدرْه الوقت وأيامه تكيد
ماذقت لا راحه ولا ذقت المبات=ولا لي سوى التفكير بالعلم الأكيد
لكن هجوس الشعر لا غنـّت وجات=غنـّيت وأبحرت بطواريق القصيد
والشعر ياأبن الناس يارايح ياآت=وهبه من المعبود خلاّق العبيد
وعرف ودرايه بالبحور الرايدات=في طرس تاريخ القصيد اللي يفيد
تعال يا(رجز) القصايد خذ وهات=وأستأذن (الممتدّ) مقلوب (المديد)
تراي من وقتٍ مضى أكثرت السكات=والوجد يجذبني وأنا وجدي فريد
ياوجد حالي كلّ ماحاولت أبات=وجد اليتيم اللي همومه به تزيد
أو وجد من ذاق اللقاء عقب الشتات=وحلّ الفراق ولا أهتنى في من يريد
على فتاةٍ غيــر عن أية فتاة=علمي بها يوم أتتجهّز للشديد
((والعشق)) يكمن بين ذات وبين ذات=وصبابته مابين سيد وبين سيد
ياروعة العشاق ياأجمل ذكريات=ياأندلس (طارق) وعشق (أبي الوليد)
ياشعر (الاعشى) لا تغزل بالبنات=يامعلقة (عنتر) (وأبن حجْر) (ولبيد)
ياحنكة الحاكم بوقت الدايرات=يافكر (صقر قريش) يوم إنه وحيد
يارفعة السلطان بعيون الجبات=ياعرش (ابو جعفر) (وهارون الرشيد)
ياموتي القاتل وياروح الحياة=ياشلفا (أبن غانم) وياسيف (ابو زيد)
يامضرب الأمثال ياطوق النجاة=ياشوف (زرقاء اليمامه) للبعيد
يافلّ ياريحان ياسكّر نبات=يافرحة الأطفال مطلع كلّ عيد
جعل السنين المقبله والفايتات={تفداك} ياللي صدتني من دون صيد
عشقك موثـّق بالمبادي والسمات=ومع كلّ دقـّة نبض في قلبي يزيد
ولاّ الهجوس اليا ندهتلها وجات=غنـّت وأنا غنـّيت ببحور القصيد

الشاعر
عبدالله عوجان

الموضوع الأصلي: العلم الأكيـــــــــــــد | | الكاتب: عبدالله عوجان | | المصدر: شبكة بني عبس

[ممدوح بن حامد]

صح لسانك يا بن عوجان على هذه القصيده الرائعه والله يكثر من أمثالك

[سعــدعبدالعزيز]

شكراً لك اخي الكريم لنا عوده

[مرزوق العجوني]

صح لسانك ياعبدالله على الرائعه

[نــورا]

يـاوجـد حـالـي كـــلّ مـاحـاولـت أبـــات
وجـد اليتـيـم الـلـي همـومـه بــه تـزيـد
أو وجد مـن ذاق اللقـاء عقـب الشتـات
وحلّ الفـراق ولا أهتنـى فـي مـن يريـد



روعة

جـعــل السـنـيـن المقـبـلـه والـفـايـتـات
{تفداك} ياللـي صدتنـي مـن دون صيـد
عشـقـك مـوثّـق بالـمـبـادي والـسـمـات
ومـع كـلّ دقّـة نبـض فــي قلـبـي يـزيـد


صح لسانك

لاهنت

اكثر من رائعة

[سعد الشقل]

صح لسانك يا بن عوجان

على هذه القصيده الرائعه والجزله

[فيصل م الرشيدي]

عبدالله بن عوجان



صح الله نبضك ولاهنت



قصيدة جزلة طال عمرك

بإنتظار جديدك

وسجّل اعجابي


اخوك
فيصل ملفي الرشيدي

[بنت العبسي]

:p

قصيدة راائعة بكل معنى لروعة

صح لسانك يا اخوي والله يعطيك العافية على روعة ماقدمت لنا