[فوزان بن مربح]

أهداء الى الشاعر/فوزان بن عوض بن مربح

ياالله ياللي كلنا عابدينه = رب الملا علام كل الخفيات
رب(ن) كريم ويستحق العباده = ومن جامل بدينه خسر كل الاوقات
طالبك يالمعبود سدد كلامي = واحفض جنابي من جميع النحيات
وتوفق اللي بالحقيقه تكلم = هرج(ن) على معناه مافيه لفات
نويت أوصف ما حصلي وشفته = شي(ن) حضرته فيه كل المسرات
ياللي نويت تروح وصل سلامي = راع الشرف والجود راع الحميات
وصل سلامي لابيض الوجه فوزان = أثن السلام وعقبه بالتحيات
يستاهل البيضا على روس الاشهاد = راع الكرم والجود تزها الابيات
لبيت دعوا الحر يومه دعاني = دعوا كريمه من نفوس(ن) كريمات
في منزله شفنا معزه وتقدير = قام بحفاوتنا على كل حفوات
في مجلسه كل الاعلوم الطرايف = علوم الرجال اهل الوفا والجمالات
وفنجال بن مخالطه زعفراني = الكيف عنده له طراة وملذات
والطيب الازرق بالمجالس يساقي = في مجلسه يساق مره ومرات
وصينيت(ن) فيها الحشو والمفاطيح = مقدمه من طيب الصدق والذات
صينيت(ن) ماياخذه باب فله = ياكود بيبان القصور الوسيعات
عشره حلقها تتعب اللي نقلها = تشبع بها كل السباع المجيعات
اليا قلطوها واستدارو عليها =من كبرها ما تستمع بعض الاصوات
الله يعين اللي بذلها للاجواد = ويوفقه مولاه كل الحسنات
ماكنه الا حاتم الطائي وصفه = بيته لعصمان الشوارب فكوهات
كل الرجوله فيه من كل معنا = صدق وكرم واهداف حر بعيدات
أنا أشهدنه شام كل المعالي = مايلحقه عذروب من كل مجهات
يا معاشر الانذال مالك وراهم = مالك ورى الانذال ياكود كوبات
عليك بحر(ن) مثل فوزان مجرب = حر اله في شامخ الضلع نزلات
مثل البطل فوزان وشرواه صاحب = رجل اليا اعتزته يشيل الثقيلات
من ساس قوم(ن) بالمواقف تعزوى = يوم(ن) كل(ن) أله مواقف وعزوات
تاريخهم يشهد بماضي سلفهم = يومنها مابين منكف وغزوات
بني رشيد اللي لهم جد يعرف = يوم المواقف والامور الصعيبات
عبس المسما جدهم ماجهلناه = ثالث أبطال العرب في كل وقفات
دون الخوي والجار فادوا بالارواح = ودون الحقوق الهم مواقف شهيرات
هذا وانا من لابت(ن) شانها شان = الها مع الابطال صوله وجولات
عتبان وان ركبوا على الخيل فرسان = عاداتنا فرق الاهل والجماعات
ذباحت(ن) للحيل كعام المعادين = يشهد لنا التاريخ بكل السجلات
من زارنا بالسوء زرناه بأقوا = وحنا لنا في قمة المجد طلعات
ومن زارنا دخيل يبغا ذرانا = نرخي له الروس الطوال العنيدات
منا وفينا نحسبه من حدانا = دون الخوي والجار نبني بنايات
خوينا والجار يرتاح معنا = من بيننا يعيش بأمن وسلامات
أقولها مخلص ولاني بجامل = ولالي ورى قولي أهداف(ن) دنيات
ما قلته مراوي وابا الناس يدري = شي(ن) ومثبته عندي اثبات
هذا الذي كنت استطيعه واقوله = والمعذره ان كان بالقول هفوات

الشاعر / هضيبان ابراهيم المقاطي العتيبي

الموضوع الأصلي: من الشاعر/هضيبان العتيبي الى الشاعر/فوزان الرشيدي | | الكاتب: فوزان بن مربح | | المصدر: شبكة بني عبس

[فوزان بن مربح]

ما قلته مراوي وابا النـاس تـدري
شـي(ن) ومثبتـه عنـدي اثبـات

[عبدالعزيزالعويمري]

كل الرجوله فيـه مـن كـل معنـا=صدق وكرم واهداف حر بعيـدات
أنـا أشهدنـه شـام كـل المعالـي=مايلحقه عذروب من كـل مجهـات

صح لسان الشاعر

وصح لسانك
والنعم فيك يابو حامد

تستاهل المدح

والف نعم فيك

اخوكـ

عبدالعزيز العويمري

[مسندالعويمري]

صح لسان الشاعر

وصح لسانك
والنعم فيك يابو حامد

تستاهل المدح

والف نعم فيك وبكل الرجال الطيبه

[ثاري الشنيني]

صح الله لسان الشاعر هضيبان المقاطي

وانت تستاهل اكثر يا بو حامد

تحياتي لك

الشنيني

[عبدالله معزي]

[
ياللي نويت تروح وصل سلامي = راع الشرف والجود راع الحميات
وصل سلامي لابيض الوجه فوزان = أثن السلام وعقبه بالتحيات
يستاهل البيضا على روس الاشهاد = راع الكرم والجود تزها الابيات
لبيت دعوا الحر يومه دعاني = دعوا كريمه من نفوس(ن) كريمات
في منزله شفنا معزه وتقدير = قام بحفاوتنا على كل حفوات
في مجلسه كل الاعلوم الطرايف = علوم الرجال اهل الوفا والجمالات
وفنجال بن مخالطه زعفراني = الكيف عنده له طراة وملذات
والطيب الازرق بالمجالس يساقي = في مجلسه يساق مره ومرات
وصينيت(ن) فيها الحشو والمفاطيح = مقدمه من طيب الصدق والذات
صينيت(ن) ماياخذه باب فله = ياكود بيبان القصور الوسيعات
عشره حلقها تتعب اللي نقلها = تشبع بها كل السباع المجيعات
اليا قلطوها واستدارو عليها =من كبرها ما تستمع بعض الاصوات
الله يعين اللي بذلها للاجواد = ويوفقه مولاه كل الحسنات
ماكنه الا حاتم الطائي وصفه = بيته لعصمان الشوارب فكوهات
كل الرجوله فيه من كل معنا = صدق وكرم واهداف حر بعيدات
أنا أشهدنه شام كل المعالي = مايلحقه عذروب من كل مجهات



صــــح لسان الشاعر وبيض الله وجهه على هذه القصيده الجزله .والمدح في من يستاهل المدح يكون جميل وفوزان يستاهل ونعم باابن حمد(فوزان)
ملاحضه: الشاعر فوزان من شيوخ القلادان وله مواقف مشرفه للقبيله

وابو حامد يستاهل اكثر وغني عن التعريف

تحيـــــــــــــــــــــــــــــــــــــــــــــــ ـــــــــــــــــــــــاتي

[عابد العويمري]

صح لسان الشاعر العتيبي ويستاهل فوزان بن حمد أكثر

[سعد الفلاح]

صح لسان الشاعر

وصح لسانك
والنعم فيك يابو حامد

تستاهل المدح

والف نعم فيك وبكل الرجال الطيبه